Бейбіт Орынбекұлы Қойшыбаев 20 қараша 1945 жыл Саудакент ауылы Сарысу ауданы Жамбыл облысы кеңестік және қазақстандық жа

Бейбіт Орынбекұлы Қойшыбаев (20 қараша 1945 жыл, Саудакент ауылы, Сарысу ауданы, Жамбыл облысы) — кеңестік және қазақстандық жазушы, публицист, ғалым, тарих ғылымдарының кандидаты (2002).

Қазақ ұлттық аграрлық университетін бітірген (1968).

1968–1969 жылдары Байқадам кәсіптік-техникалық училищесінің оқытушысы, 1969–1971 жылдары Қазақ КСР-і Министрлер Кеңесінің «Қазақ ауыл шаруашылығы техникасы» бірлестігінде инженер, аға инженер, 1971–1975 жылдары Алматы облысы комсомол комитетінің кәсіптік-тех. білім секторының меңгерушісі болды. 1975–1985 жылдары «Қазақстан пионері», «Білім және еңбек», «Социалистік Қазақстан» (қазіргі Егемен Қазақстан) газет-журналдарында жауапты қызметтер атқарды. 1985–1987 жылдары Қазақ КСР Жоғарғы Кеңесі Төралқасы аппаратында Жоғары Кеңес актілерін жариялау тобының аға редакторы болды. 1988–1989 жылдары «Қазақ әдебиеті газетінде аға тілші, бөлім меңгерушісі, 1990–1991 жылдары «Денсаулық» журналының бас редакторы, 1991–1996 жылдары Қазақстан Жазушылар одағы басқармасының хатшысы, сонымен бірге Қазақстан әдеби қоры басқармасының төрағасы, «Тіршілік журналының бас редакторы, «Әдеби қор жаршысы» газетінің бас редакторы, 1997–2001 жылдары «Zaman — Қазақстан» газеті бас редакторының орынбасары болды. Экономика және сауда министрлігі автор құқығын қорғау агенттігі бас басқармасының бастығы, Алматы облысы көші-қон және демография басқармасында бөлім бастығы қызметтерін атқарды. 2001–2003 жылдары «Қазақ энциклопедиясы» баспасында орталық бастығының орынбасары, 2003–2007 жылдары «Заңгер» журналының жауапты редакторы, «Қазақ әдебиеті» газеті бас редакторының орынбасары болып істеді. 2007 жылдан «Жұлдыз» журналының жауапты хатшысы.

Қойшыбаев өз еңбектерінде тарихтың «ақтаңдақ» беттерін зерттеуге ден қойды. Шығармалары орыс, беларус, болгар, қытай тілдеріне аударылған. Қазақ КСР Жоғары Кеңесінің Құрмет грамотасымен, Құрмет орденімен марапатталған.

Дереккөздер

Қазақ әдебиеті. Энциклопедиялық анықтамалық — Алматы: «Аруна Ltd.» ЖШС, 2010. — ISBN 9965-26-096-6.
Ә. Нысанбаев «Қазақстан»: Ұлттық энцклопедия — Алматы: «Қазақ энциклопедиясы» Бас редакциясы, 1998. — ISBN 5-89800-123-9.

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қазақ әдебиеті. Энциклопедиялық анықтамалық — Алматы: «Аруна Ltd.» ЖШС, 2010. — ISBN 9965-26-096-6.

[2] Ә. Нысанбаев «Қазақстан»: Ұлттық энцклопедия — Алматы: «Қазақ энциклопедиясы» Бас редакциясы, 1998. — ISBN 5-89800-123-9.