Бақтыбай Айнабеков

Бақтыбай Айнабеков (1949 жыл, Қызылорда облысы, Жаңақорған ауданы, Бесарық стансасы) - ақын, жазушы.

Өмірбаяны

• Еңбек жолын осы Жаңақорған ауданында аудандық радио хабарын таратуды ұйымдастырушылықтан бастады.
• 1969 жылы Жаңақорған аудандық «Коммунизм жолы» газетінің еңбекші хаттар бөлімінің меңгерушісі.
• 1974 жылдан Жаңақорған аудандық «Білім» қоғамының жауапты хатшысы.
• 1975 жылдан Қазақстан Компартиясы Жаңақорған аудандық комитетінің нұсқаушысы, соңынан саяси ағарту кабинетінің меңгерушісі болған.
• 1981 жылы Алматы облыстық «Жетісу» газетінің партия тұрмысы және насихат бөлімінің меңгерушісі болды.
• республикалық Баспасөз комитетінің Қоғамдық саяси және ауыл шаруашылығы әдебиеттері бөліміне жетекшілік етті.
• 1983—1998 жылдар аралығында республикалық «Қазақстан» теледидарында комментатор,

насихат хабарларының Бас редакторы, қоғамдық саяси творчестволық бірлестіғінің Бас редакторы қызметтерін атқарған.

• 2000 жылы Қазақстан Республикасы Үкіметі жанындағы Діни бірлестіктер мен байланыс жөніндегі Кеңес хатшылығының консультанты болған.
• Қазір Қазақстан жазушылар одағының «Жұлдыз» журналы мен Республика Жоғары Соты және Әділет Министрлігінің «Заң» газетінде республикамыздың оңтүстік аймақтарында орналасқан облыстарының меншікті тілшісі.

Шығармалары

Жыр жинақтары

• «Арманым менің»
• «Енші»
• «Балықшы бала»
• «Мәңгілік өмір»
• «Әлмеректің оралуы»
• «Шүкіршілік»

Философиялық еңбектері

• «Дін мемлекеттен бөлек пе немесе жауапсыз хаттар»
• «Есігіңді аш, Өкімет пен Үкімет, ДПГ-келіп тұр»
• «Фалсафа — Алланың аян ілім!»
• «Бесарық Тұрсынбайды ұмытпайды»
• «Кім қауіпті?»
• «Қазақстанның N21 халық емшісі»
• «Құпия жан»
• «Менің Жаңақорғандық жерлестерім».

Жетістіктері

• Бірнеше дүркін республикалық ақындар мүшәйрасына қатысып, жүлдегер атанған.
• Қазақстан Журналистер одағы сыйлығының лауреаты.
• Қазақстан Республикасы Мәдениет және ақпарат министрлігінің «Мәдениет қайраткері» белгісімен марапатталған.

Дереккөздер

1. Қазақстан жазушылары: Анықтамалық/Құрастырушы: Қамшыгер Саят, Жұмашева Қайырниса — Алматы: «Аң арыс» баспасы, 2009 жыл