Ақыш Қоңыртайұлы Омар

Ақыш Қоңыртайұлы Омар (1955 жылы 15 қазанда ШҚО Көкпекті ауданында туған) — актер. Қазақстанның еңбек сіңірген қайраткері (2007). Қазақстан жастар одағы сыйлығының иегері (1992).

Ақыш Қоңыртайұлы Омар
Жалпы мағлұмат
Туған күні	15 қазан 1955 (1955-10-15) (69 жас)
Туған жері	Шығыс Қазақстан облысы Көкпекті ауданы
Азаматтығы	КСРО  Қазақ КСР  Қазақстан
Мамандығы	актер
Белсенді жылдары	1978 жыл - осы уақыт
Бағыты	драма
Марапаттары	Қазақстанның еңбек сіңірген қайраткері

Толығырақ

• Ақыш Қоңыртайұлы 1955 жылы 15 қазанда ШҚО Көкпекті ауданында Үлкен Бөкен ауылында дүниеге келген.
• Ұлты - Қазақ.
• қазақ және орыс тілдерін біледі.
• Әкесі - Омаров қоңыртай Құнанбайулы - зейнеткер,
• Анасы - Омарова София - зейнеткер, үй шаруасымен айналысады.
• 1982 жылы Т.Жүргенов атындағы Қазақ ұлттық өнер академиясы (бұрынғы Алматы мемлекеттік театр-көркем сурет институты)ның актерлік факултетін бітірген.

Еңбек жолы

• 1978 - 1985 жылдары Абай атындағы қазақ музыкалық драма театрының актері.
• 1985 - 2003 жылдары Мұхтар Әуезов атындағы Қазақ мемлекеттік академиялық драма театрының актері.
• 2003 - 2005 жылдары М. Горький атындағы орыс драмалық театрының актері.
• 2005 жылдан Қалибек Қуанышбаев атындағы қазақ мемлекеттік академиялық музыкалық драма театрының актері.
• бүгінгі таңда Қазақ ұлттық өнер университетінің «Актерлік өнер және режиссура» кафедрасының доценті.

Сахнадағы негізгі рөлдері

• Абай атындағы қазақ музыкалық драма театры сахнасында: Ғ. Мүсірепов «Ақан Сері-Ақтоқты» – Ақан, М. Баджиев «Қожажас» – Қожажас, М. Хасенов «Махаббат неге оянбады?» – Мұрат, Р. Сейсенбаев «Түнгі диолог» – Адай және т.б.
• Мұхтар Әуезов атындағы Қазақ мемлекеттік академиялық драма театры сахнасында: Ш. Айтматов «Ғасырдан да ұзақ күн» – Тансықбаев, К. Гоций «Турандот ханшайым» – Әртауым император, Ж.Б. Мольер «Ақымақ болған басымай» – Жорж Данден, Е. Аманшаев «Үзілген бесік жыры» –Мұрат, Гапаров «Тұзды шөл» –Ол, М. Жұмабаев «Шолпанның күнәсі» – Сәрсен, Ғ. Мүсірепов «Қозы Көрпеш-Баян Сұлу» – Қарабай, У. Шекспир «Асауға тұсау» – Шал және т.б.
• М. Горький атындағы орыс драмалық театры сахнасында: Ж.Б. Мольер «Тартюф» – Тартюф, Н. Гоголь «Ревизор» – Лука Лукич, Птушкина «Плачу вперед» – Расияв, Ф.М. Достаевский «Преступление и наказание» – Лужин, Жан-Жак Брикер «Не верь глазам своим...» – Альберт Ламар және т.б.
• Қалибек Қуанышбаев атындағы қазақ мемлекеттік академиялық музыкалық драма театрының сахнасында: А. Чехов «Ваня ағай» – Серебряков, Гапаров «Қуыршақ немесе қызғаншақ қыздардың кеш» – Ақтан, Ш. Айтматов «Ақ кеме» – Момын шал, М. Әуезов «Абай» – Аға Абай, Т. Джюдженоглу «Көшкін» – қауым басшысы, Е. Жуасбек «Терең тамырлар»– Жайнақ, А. Вальехо «Күн сәулесі түспеген» – әкесі, Р. Отарбаев «Көлеңкесіз жолаушы» – әкесі, В. Ежов «Тыраулап ұшқан тырналар» – Кузовков, т.б.

Марапаттары

• 1992 жылы драматург Ермек Аманшаевтың «Үзілген бесік жыры» спектаклі үшін Қазақстан жастар одағы сыйлығының иегері атанды.
• 2001 жылы Қазақстан Республикасының Құрмет грамотасымен марапатталған.
• 2002 жылы "Мәдениет қайраткері" құрметті атағы берілді.
• 2007 жылы Елбасының жарлығымен "Қазақстанның еңбек сіңірген қайраткері" құрметті атағымен марапатталды.

Жеке қасиеттері

• Діни көзқарасы - ислам.
• Саяси қайраткер ретіндегі идеалы - Н.Ә. Назарбаев.
• Қазақстанның болашағы туралы болжамы - «Дамыған мемлекет».
• Сүйіп оқитын әдебиеті - әлем және қазақ әдебиеті.
• Хоббиі - музыка.

Отбасы

• Үйленген. Жубайы - Киреева Раушан Сағынқызы (1958 ж. т.)
• Ұлы - Әнуар (1980 ж. т.).

Дереккөздер

1. Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2