Асхат Сергеевич Ниязов

Асхат Сергеевич Ниязов (мүмкін 1990 жыл, Омбы, РКФСР) — ресейлік және қазақстандық журналист.

Асхат Сергеевич Ниязов
Туған кездегі есімі	Асхат Сергеевич Ниязов
Туған күні	1990 (1990)
Туған жері	Омбы, Омбы облысы, РКФСР, КСРО
Азаматтығы	Ресей^[дереккөзі?]  Қазақстан^[дереккөзі?]
Ұлты	қазақ
Мамандығы	журналист
Осы үшін белгілі	«Обожаю» YouTube арнасының авторы және жүргізушісі
Балалары	1
Сайты	obozhau.kz

Бастапқыда Хабар 24 мемлекеттік телеарнасындағы әкімдер жайлы баяндайтын «Әкімдер» (орыс. Акимы) бағдарламасы үшін белгілі болған Ниязов кейін тәуелсіз журналист болуға мәжбүр болды да, содан бері «Обожаю» (қаз. Ұнатамын) YouTube арнасында әкімдер мен жергілікті әкімшіліктегі жемқорлық жайлы видео жасап жүргені үшін белгілі болды.

Өмірбаяны

Асхат Ниязов Омбыда дүниеге келген. Мектепті де, жоғарғы оқу орнындағы оқуын да осы жерде аяқтады.

Мемлекеттік телевизиядағы мансабы

2013 жылы Омбыдан Астанаға көшті. Кейін мансабын Жетінші арнада бастады, бірақ бастапқыда журналист болмады. Бұдан кейін ол Хабар және Хабар 24 мемлекеттік телеарналарында жұмыс істеген.

2019 жылы телеарнасы жергілікті әкімшіліктің қалай жұмыс істеп жүргенін көрсететін бағдарлама жасау жоспарлары пайда болды. Оның жүргізушісі болып Ниязов таңдалды да, бағдарлама Акимы (қаз. Әкімдер) деп аталды. Ниязов сөзінше, бұл жобаның өмірі екі жарым жылға созылды да, Қаңтар оқиғасына қарай аяқталды.

Обожаю арнасы

Мемлекеттік телеарналардан кетуге мәжбүр болған Ниязов кейін тәуелсіз арна ашамын деп шешті. Ол «Обожаю» (қаз. Ұнатамын) деп аталып кетті.

Обожаю ең белгілі сұхбаттарының бірі Даниал Ахметовке сұхбаты еді. Бастапқыда әкім қызметінде 9 жылдай болған Ахметов сұхбат беруден бас тартып жүрген, оны Ниязов үнемі «іздестіріп жүретін». 2023 жылғы маусымда сұхбат сонымен орын алды, алайда күн бойы Ниязовқа Ахметовті қолдаған әйелдер қысым көрсетіп жүрді, ақпаратын жоққа шығарып тұрды. Кейін белгілі болған ақпаратқа сүйенсек, бұл әйелдер Ахметов пен оның қызметкері қатысы бар әйелдер болып шықты.

Заңи мәселелері

2024 жылы Ниязов әлеуметтік желілерде биліктің Азаттық радиосының 36 тілшісіне аккредитация берімегеніне қарсы шыққан жазба жасады және осы үшін сотқа тартылды. Ниязов репост жасаған постты бастапқыда ProTenge Telegram арнасы жасаған еді. Сол жылғы 29 сәуірде іс тоқтады. Астана қаласы әкімшілік сотының судьясы істе «құқық бұзушылық құрамы жоқ» деген шешімге келді. Сотқа келген бастапқы арызды Мәдениет және спорт министрлігі жасағаны белгілі. Бұл арыз жайлы сөйлеген кезінде Ниязовты жалған ақпарат таратты деп айыптады, арыздың сол себептен жасалғанын айтып кетті.

2024 жылғы 12 қыркүйекте Ниязов Алматы жайлы видео түсіріп жатқан кезінде Алматыда жүрді. Осы кезде оны жергілікті полиция ұстап әкетті де, Бостандық аудандық ішкі істер бөліміне жеткізді. Оны Ерболат Досаевтан тағы бір сұхбат аламын деп «төбелесті» деген айыппен ұстап әкеткені белгілі. Көп ұзамай алматылық полиция оны босатты.

Саяси ұстанымы

Жеке компаниялар

2024 жылғы сәуірде Ниязов Air Astana билеттерінің қымбаттығын сынға алды.

Үкіметке көзқарасы

Ниязовтың Қазақстан президенті Тоқаев жайлы көзқарасы біркелкі бола бермейтін. Бір кезде ол оған Акимы бағдарламасын жасауға көмектескені үшін алғыс айтса, 2023 жылғы қыркүйекте Вадим Борейкоға берген сұхбатында президенттен уақыт өткелі «алыстағанын», оған қойған үмітін жоғалтып жатқанын айтты. Ол, мысалы, Тоқаевтың Айдарбек Сапаровты Ауыл шаруашылығы министрі ретінде тағайындағаны, Даниал Ахметовті әкім лауазымынан алып тастай алмағаны, еш баспасөз мәслихаттарын жасамай жүргені және басқа да істері үшін сынға алды. Оған қарамастан Ниязов Тоқаевтан сұхбат аламын деген ниетін бірнеше рет айтып та жүр. Бұл сұхбатта ол үкіметпен байланысы бар деген болжамды жоққа шығарды. Өзінің тәуелсіз Обожаю бағдарламасында Ниязов Тоқаевқа қарсы сөз айтып көрмеген.

2023 жылғы қыркүйекте Ниязов Мәдениет және ақпарат министрлігін «жек көретінін» айтты.

Әлеуметтік мәселелер

«Қазақстандықтардың бәрі де қазақ тілін білу керек» деген ойға қарсы келмейді, оған түсіністікпен қарайды.

Өз өмірі

Ниязов үйленген, әйелі — ұлты орыс журналист. 2024 жылғы мамырда некелері ресмиленбей тұрған, екеуінің Амели атты қызы бар.Қазақ тілін оқып жүр. Отаны деп Қазақстанды таниды, ата-аналары әлі Ресейде тұрады.

Ескертпелер

1. Ниязов әкесінің есімі Серік болса да, құжаттағы есімі — Сергей.

Дереккөздер

1. Асхат Ниязов – Журналист должен обладать честностью перед читателем  (орыс.). ru.elordainfo.kz (28 июня 2023). Тексерілді, 16 қыркүйек 2024.
2. Асхат Ниязов - личная жизнь, страхи, казахский язык, покровители и Россия YouTube сайтында
3. Асхат Ниязов, журналист: «Мы останавливаться точно не будем»  (орыс.). vlast.kz (22 января 2024). Тексерілді, 16 қыркүйек 2024.
4. Журналист Асхат Ниязовтың үстінен "Жала жабу" бабы бойынша қозғалған іс тоқтады  (қаз.). Азаттық радиосы (26 сәуір 2024). Тексерілді, 16 қыркүйек 2024.
5. Мұхади, Айнұр Мәдениет министрлігі Асхат Ниязовты не үшін желідегі жазбаны бөліскені үшін жауапқа тартқанын түсіндірді  (қаз.). stan.kz (11 сәуір 2024). Тексерілді, 16 қыркүйек 2024.
6. Аршидин, Наргиза Алматыда журналист Асхат Ниязовты ұстап әкетті  (қаз.). factcheck.kz (12 қыркүйек 2024). Тексерілді, 16 қыркүйек 2024.
7. Аден, Ислам Журналист Асхат Ниязов «Air Astana» әуекомпаниясының билет құнын сынға алды  (қаз.). kaz.orda.kz (16 сәуір 2024). Тексерілді, 16 қыркүйек 2024.
8. Султан хороший, евнухи плохие? Асхат Ниязов о ТОКАЕВЕ @Обожаю – ГИПЕРБОРЕЙ №371. Интервью YouTube сайтында