Қазақстан Республикасы Цифрлық даму инновациялар және аэроғарыш өнеркәсібі министрлігі ғарыш пошта және байланыс ақпарат

Қазақстан Республикасы Цифрлық даму, инновациялар және аэроғарыш өнеркәсібі министрлігі — ғарыш, пошта және байланыс, ақпараттандыру, «электрондық үкімет», деректерді басқару, ақпараттық-коммуникациялық технологиялар, геодезия және картография, инновациялық жүйе, дербес деректер және оларды қорғау, мемлекеттік қызметтер көрсету, байланыс инфрақұрылымын дамыту, жобалық басқару, жасанды интеллект салаларына басшылық ететін, Қазақстан үкіметіне бағынатын орталық атқарушы орган.

Қазақстан Цифрлық даму, инновациялар және аэроғарыш өнеркәсібі министрлігі

Қазақстан елтаңбасы
Жалпы мағлұмат
Құзыреті	Қазақстан
Құрылған уақыты	6 қазан 2016 жыл (тұңғыш құрылды) 17 маусым 2019 жыл (қазіргі түрінде)
Мекемені басқарады	Қазақстан үкіметі
Штаб-пәтері	Астана қаласы, Мәңгілік Ел даңғылы 55/5 С2.4 "Экспо іскерлік орталығы"
Министрі	Жаслан Мәдиев
Бірінші вице-министрі
Ресми сайты
gov.kz/memleket/entities/mdai

2016 жылғы 6 қазанда Қорғаныс және аэроғарыш өнеркәсібі министрлігі ретінде құрылды. 2019 жылғы 25 ақпанда президент жарлығымен министрлік Цифрлық даму, қорғаныс және аэроғарыш өнеркәсібі министрлігі болып өзгертіліп, 17 маусымда қазіргі Цифрлық даму, инновациялар және аэроғарыш өнеркәсібі министрлігі атауын алды.

Тарихы

2016 жылғы 6 қазанда президент Назарбаевтың жарлығымен Қорғаныс және аэроғарыш өнеркәсібі министрлігі құрылды. Жаңадан құрылған министрлікке Қорғаныс министрлігінен қорғаныс өнеркәсібі саласындағы, Инвестициялар және даму министрлігінен ғарыш қызметі саласындағы, Ұлттық экономика министрлігінен жұмылдыру даярлығы және жұмылдыру, мемлекеттік материалдық резервті қалыптастыру және дамыту саласындағы, Қазақстан премьер-министрінің кеңсесінен ақпараттық қауіпсіздікті қамтамасыз ету және Ақпарат және коммуникациялар министрлігінен ақпараттандыру және байланыс саласындағы ақпараттық қауіпсіздікті қамтамасыз ету саласындағы функциялар мен өкілеттіктер берілді. Келесі күні министрліктің тұңғыш министрі болып Бейбіт Атамқұлов тағайындалды.

2019 жылғы 25 ақпанда президент Назарбаевтың жарлығымен Қорғаныс және аэроғарыш өнеркәсібі министрлігі Цифрлық даму, қорғаныс және аэроғарыш өнеркәсібі министрлігі болып қайта құрылды. Оған Ақпарат және коммуникациялар министрлігінен байланыс, ақпараттандыру, «электрондық үкімет», мемлекеттік қызметтерді көрсету саласындағы мемлекеттік саясатты дамыту берілді, ҚР АК министрлігі ыдыратылды.

2019 жылғы 17 маусымда президент Тоқаевтың жарлығымен Цифрлық даму, қорғаныс және аэроғарыш өнеркәсібі министрлігінің атауы Цифрлық даму, инновациялар және аэроғарыш министрлігі болып өзгертілді және оның қорғаныс өнеркәсібі, бірыңғай әскери-техникалық саясатты жүргізуге қатысу, әскери-техникалық ынтымақтастықты жүзеге асыру, мемлекеттік қорғаныс тапсырысын қалыптастыру, орналастыру және орындау саласындағы функциялары мен өкілеттіктері Индустрия және инфрақұрылымдық даму министрлігіне, жұмылдыру дайындығы және жұмылдыру, мемлекеттік материалдық резервті қалыптастыру және дамыту саласындағы функциялары мен өкілеттіктері Ұлттық экономика министрлігіне берілді және Министрлік Ауыл шаруашылығы министрлігінің геодезия және картография саласындағы және Индустрия және инфрақұрылымдық даму министрлігінің елдің инновациялық саясаты, ғылыми-техникалық дамуы саласындағы функциялары мен өкілеттіктерін алды.

Міндеттері

Қазақстан Республикасының ғарыш саласын қалыптастыру және дамыту;
ғарыштық технологиялар мен көрсетілетін қызметтер нарығын қалыптастыру үшін жағдай жасау;
Қазақстан Республикасында ғарыш қызметінің заңнамалық және шарттық-құқықтық базасын құру;
"Байқоңыр" кешенін Ресей Федерациясының жалға алуы жөніндегі жұмыстарды үйлестіру;
пошта және байланыс саласындағы үйлестіру, сондай-ақ Қазақстан Республикасының аумағында пошта саласындағы қызметті және байланыс саласында қызмет көрсететін немесе оларды пайдаланатын тұлғалардың қызметін реттеу;
ақпараттандыру және "электрондық үкімет" саласындағы басшылықты және салааралық үйлестiрудi жүзеге асыру;
деректерді басқару мемлекеттік саясатын іске асыруды қамтамасыз ету;
мемлекеттік басқаруды цифрлық трансформациялауды салааралық үйлестіруді жүзеге асыру;
мемлекеттік көрсетілетін қызметтер саласында мемлекеттік саясатты қалыптастыру және іске асыру;
Қазақстан Республикасының байланыс инфрақұрылымын қалыптастыруды, дамытуды және қамтамасыз етуді жүзеге асыру;
өз құзыреті шегінде реттелетiн салалардағы халықаралық ынтымақтастық;
ақпараттық-коммуникациялық технологиялар, байланыс және мемлекеттік қызметтерді көрсету саласындағы мемлекеттік саясатты қалыптастыру;
геодезия, картография және кеңістіктік деректер саласында мемлекеттік саясатты іске асыру;
инновациялық жүйені жоспарлау, мониторингілеу, ынталандыру, дамыту;
дербес деректер және оларды қорғау саласындағы мемлекеттік саясатты іске асыруға қатысу;
инновациялық қызметті мемлекеттік қолдау саласындағы мемлекеттік саясатты қалыптастыруға және іске асыруға қатысу;
мемлекеттік технологиялық саясатты қалыптастыруға және іске асыруға қатысу;
байланыс қызметтері нарығының тиімді жұмыс істеуі үшін байланыс саласындағы мемлекеттік саясатты жүзеге асыру;
өз құзыреті шегінде байланыс саласындағы қызметті мемлекеттік реттеу мен бақылауды жүзеге асыру;
жобалық басқару саласындағы мемлекеттік саясатты қалыптастыру және жүзеге асыру;
жасанды интеллект саласындағы мемлекеттік саясатты қалыптастыру және жүзеге асыру

Комитеттері

Ақпараттық қауіпсіздік комитеті
Аэроғарыш комитеті
Жасанды интеллект және инновацияларды дамыту комитеті
Мемлекеттік көрсетілетін қызметтер комитеті
Телекоммуникациялар комитеті

Құрылымы

Министрліктің құрылымы (2024 жылғы ақпарат бойынша):

Цифрлық трансформациялау департаменті
Ақпараттық технологиялар саласын дамыту департаменті
Электрондық өнеркәсіпті және цифрлық активтер индустриясын дамыту департаменті
Инновацияларды дамыту департаменті
Халықаралық ынтымақтастық департаменті
Стратегиялық жоспарлау департаменті
Қаржы және әкімшілік жұмысы департаменті
Ішкі аудит департаменті
Заң департаменті
Корпоративтік басқару департаменті
Бақылау және құжаттамалық қамтамасыз ету департаменті
Адам ресурстарын басқару департаменті
Жобалық басқару саясаты департаменті
Бұқаралық ақпарат құралдарымен және жұртшылықпен өзара іс-қимыл департаменті
Цифрлық шешімдер департаменті
Өңірлерді цифрлық дамыту департаменті

Қарамағындағы мекемелер

«Азаматтарға арналған үкімет» мемлекеттік корпорациясы» КеАҚ
«Ұлттық ақпараттық технологиялар» АҚ
«QazInnovations» инновацияларды дамыту жөніндегі ұлттық агенттігі» АҚ
«Мемлекеттік радиожиілік қызметі» ШЖҚ РМК
«Цифрлық үкіметті қолдау орталығы» ШЖҚ РМК
«Республикалық электрондық денсаулық сақтау орталығы» ШЖҚ РМК
«Ұлттық геодезия және кеңістіктік ақпарат орталығы» ШЖҚ РМК

Министрлер тізімі

№	Аты-жөні (Өмір сүрген жылдары)	Қызметі			Үкімет басшысы
Қорғаныс және аэроғарыш өнеркәсібі министрлігі (2016–2019)
1	Бейбіт Атамқұлов (1964 туған)	7 қазан 2016	26 желтоқсан 2018	белгісіз
2	Асқар Жұмағалиев (1972 туған)	26 желтоқсан 2018	25 ақпан 2019	белгісіз
Цифрлық даму, қорғаныс және аэроғарыш өнеркәсібі министрлігі (2019)
1	Асқар Жұмағалиев (1972 туған)	25 ақпан 2019	18 маусым 2019	белгісіз
Цифрлық даму, инновациялар және аэроғарыш өнеркәсібі министрлігі (2019 бері)
1	Асқар Жұмағалиев (1972 туған)	18 маусым 2019	20 шілде 2020	белгісіз
м.а.	Бағдат Мусин (1983 туған)	20 шілде 2020	2 қыркүйек 2020	Аманат	Бектенов
2	Бағдат Мусин (1983 туған)	2 қыркүйек 2020	30 сәуір 2024	Аманат	Бектенов
3	Жаслан Мәдиев (1983 туған)	6 мамыр 2024	—	белгісіз	Бектенов

Байланыс саласын басқарған министрлер

Байланыс министрлігі (1994 жылға дейін)

Игорь Ульянов (наурыз 1987 — маусым 1994)

Көлік және коммуникациялар министрлігі (1994-1999)

Нығметжан Есенғарин (маусым — қазан 1994)
(қазан 1994 — желтоқсан 1995)
Юрий Лавриненко (желтоқсан 1995 — қазан 1997)
Еркін Қалиев (қазан 1997 — қыркүйек 1998)
Серік Бүркітбаев (қыркүйек 1998 — қаңтар 1999)

Көлік, коммуникациялар және туризм министрлігі (1999)

Серік Бүркітбаев (қаңтар — қазан 1999)

Көлік және коммуникациялар министрлігі (1999-2003)

Серік Бүркітбаев (қазан 1999 — тамыз 2000)
Кәрім Мәсімов (тамыз 2000 — қараша 2001)
(қараша 2001 — сәуір 2002)
Қажымұрат Нағыманов (мамыр 2002 — маусым 2003)

Ақпараттандыру және байланыс агенттігі (2003-2010)

(маусым 2003 — тамыз 2004)
Асқар Жұмағалиев (м.а., тамыз 2004 — ақпан 2005)
(ақпан 2005 — қаңтар 2006)
Асқар Жұмағалиев (қаңтар — қазан 2006)
Қуанышбек Есекеев (м.а., қазан 2006 — ақпан 2007)
Қуанышбек Есекеев (ақпан 2007 — наурыз 2010)

Байланыс және ақпарат министрлігі (2010-2012)

Асқар Жұмағалиев (наурыз 2010 — қаңтар 2012)

Көлік және коммуникация министрлігі (2012-2014)

Асқар Жұмағалиев (қаңтар 2012 — наурыз 2014)

Байланыс және ақпарат агенттігі (2014)

Асқар Жұмағалиев (наурыз — тамыз 2014)

Инвестициялар және даму министрлігі (2014-2016)

Әсет Исекешев (тамыз 2014 — мамыр 2016)

Ақпарат және коммуникациялар министрлігі (2016-2019)

Дәурен Абаев (мамыр 2016 — ақпан 2019)

Дереккөздер

"Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" Қазақстан Республикасы Президентінің 2019 жылғы 17 маусымдағы № 24 Жарлығын іске асыру жөніндегі шаралар туралы
Қазақстан Республикасының Қорғаныс және аэроғарыш өнеркәсібі министрлігін құру туралы (қаз.). Қазақстан президентінің ресми сайты (6 қазан 2016). Тексерілді, 13 қыркүйек 2023.
Бейбіт Атамқұлов ҚР қорғаныс және аэроғарыш өнеркәсібі министрі болып тағайындалды (қаз.). Қазақстан премьер-министрінің ресми сайты (7 қазан 2016). Тексерілді, 13 қыркүйек 2023.
СЕРІКҰЛЫ, Бақытжан ҚР Цифрлық даму, қорғаныс және аэроғарыш өнеркәсібі министрлігі құрылды (қаз.). (25 ақпан 2019). Тексерілді, 13 қыркүйек 2023.
Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы (қаз.). Қазақстан президентінің ресми сайты (17 маусым 2019). Тексерілді, 14 қыркүйек 2023.
"Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" Қазақстан Республикасы Президентінің 2019 жылғы 17 маусымдағы № 24 Жарлығын іске асыру жөніндегі шаралар туралы
Департаменттер

[1] "Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" Қазақстан Республикасы Президентінің 2019 жылғы 17 маусымдағы № 24 Жарлығын іске асыру жөніндегі шаралар туралы

[2016jarliq-2] Қазақстан Республикасының Қорғаныс және аэроғарыш өнеркәсібі министрлігін құру туралы (қаз.). Қазақстан президентінің ресми сайты (6 қазан 2016). Тексерілді, 13 қыркүйек 2023.

[3] Бейбіт Атамқұлов ҚР қорғаныс және аэроғарыш өнеркәсібі министрі болып тағайындалды (қаз.). Қазақстан премьер-министрінің ресми сайты (7 қазан 2016). Тексерілді, 13 қыркүйек 2023.

[4] СЕРІКҰЛЫ, Бақытжан ҚР Цифрлық даму, қорғаныс және аэроғарыш өнеркәсібі министрлігі құрылды (қаз.). (25 ақпан 2019). Тексерілді, 13 қыркүйек 2023.

[5] Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы (қаз.). Қазақстан президентінің ресми сайты (17 маусым 2019). Тексерілді, 14 қыркүйек 2023.

[6] "Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" Қазақстан Республикасы Президентінің 2019 жылғы 17 маусымдағы № 24 Жарлығын іске асыру жөніндегі шаралар туралы

[7] Департаменттер