Сейілбек Мейрамұлы Жанайдаров 1884 бұрынғы Атбасар уезі 1929 Алматы Алаш қозғалысының көрнекті басшыларының бірі Қазақст

Сейілбек Мейрамұлы Жанайдаров (1884, бұрынғы Атбасар уезі, – 1929, Алматы) - Алаш қозғалысының көрнекті басшыларының бірі, Қазақстанның мемлекет және қоғам қайраткері.

Өмірбаяны

1913 жылы заң факультетін бітірген. Әйелі Мәриям – белгілі қазақ заңгері Жансұлтан Сейдалиннің қызы.
Жанайдаров университетті бітіргеннен кейін Ресейдің қаржы саласының тексерушісі болып қызмет атқарған.
М.Дулатов, Мұстафа Шоқай, А.Бірімжановтармен бірге Ресейдегі Ақпан, Қазан төңкерістері қарсаңында қазақ даласында етек алған ұлттық-демокр. қозғалысқа белсене араласқан.
1916 жылы елге оралып, Атбасар қаласында салық инспекторы болып қызмет істейді.
1916 жылы майдан жұмысына алынған қазақ жастарына көмек көрсету ісіне ат салысқан.
1917 жылы шілдеде Орынборда өткен 1-жалпықазақ съезіне Ақмола облысынан делегат болып қатысты.
1917 жылы 5–13 желтоқсанда Орынбордағы 2-жалпықазақ съезіне қатысып, мүшелігіне сайланды.
1918 жылы Ә.Бөкейхановтың жарлығымен Ақмола облысының соты болып тағайындалды.
Қазақ автон. республикасы құрылғаннан кейін Орынбордағы респ. қаржы халық комиссариатының алқа мүшесі, халық комиссарының орынбасары, халық комиссары болып қызмет істеген.
Астана Қызылордаға көшірілгенде Қазақстанның ауыл шаруашылығы банкін басқарды.

Дереккөздер

«Алаш» қозғалысы. Алматы, 2008. ISBN 9965-32-715-7
“Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9

Бұл — тұлға туралы мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді ауыстыру қажет.

[1] «Алаш» қозғалысы. Алматы, 2008. ISBN 9965-32-715-7

[2] “Қазақстан”: Ұлттық энцклопедия/Бас редактор Ә. Нысанбаев – Алматы “Қазақ энциклопедиясы” Бас редакциясы, 1998 ISBN 5-89800-123-9