Құрман Ата Құрбан Ата шамамен 1604 1712 Сауран қаласы діни қайраткер Қоңырат тайпасының Көтенші руы Жаманбай тармағынан

Құрман Ата (Құрбан Ата) — (шамамен 1604 – 1712, Сауран қаласы) – діни қайраткер. Қоңырат тайпасының Көтенші руы Жаманбай тармағынан шыққан.

Құрман Ата (Құрбан Ата)
Туған күні	1604 (1604)
Туған жері	Түркістан облысы, Сауран
Қайтыс болған күні	1712 (1712)
Қайтыс болған жері	Түркістан облысы
Ұлты	қазақ
Қызметі	Діни қайраткер, әулие, би
Балалары	Киікші, Тіней, Сасық, Көтен, Жары, Жартыбас

Өмірбаяны

Ел ішінде сақталған деректерде Құрман Атаның тоғыз жасында әкесі қайтыс болады. Күнкөрістері қиындаған соң, ағалары мал ұрлап, «Қыл белбеу» ұры атанады. Ұрлықтарын айтып қоя бергендіктен, Құрман Атаның көзін байлап, Созақ өңіріндегі Жартөбе деген жерге апарып тастайды. Ол хантағылық Ақтамбердіден діни оқу үйреніп, соңынан Түркістан медресесінен екі жыл дәріс алады. Отыз жастан асқанда туған жері Сыр бойына оралады. Меккеге қажылыққа барады. Діни білімі, ақыл-парасаты, турашылдығымен аты шыққан ол ел ішінде әділ би, Құрман әулие атанған. Тәуке хан тұсында қабылданған қазақтың дәстүрлі әдет-ғұрып заңдарының жиынтығы «Жеті жарғыны» жасауға қатысқан. Тәуке хан кеңесшілерінің бірі болған.

Құрман ата ұрпақтары

Құрман Атаның ұрпақтары Түркістан облысы жəне Қызылорда облыстарына тараған. Оңтүстік Қазақстан облысы, Отырар ауданындағы жанында Құрман Атаға күмбезді сағана орнатылған. Е. ӘкімқұлұлыҚұрман Атаның өмірін негізге ала отырып «Құрман ата» романын жазды (2004).

Дереккөздер

Қазақ Энциклопедиясы, III том, 12 тарау

[1] Қазақ Энциклопедиясы, III том, 12 тарау