Қызылағаш (өзен)

Қызылағаш – Қаратал алабындағы өзен.

Қызылағаш
Қызылағаш өзенінің орта ағысы
Сипаттамасы
Ұзындығы	117 км
Су алабының ауданы	2430 км²
Су алабы	Қаратал өзені
Бастауы	Қаратау таулары
• Орналасқан жері	Жетісу Алатауының батыс сілемі
• Координаттары	45°11′26″ с. е. 79°03′34″ ш. б. / 45.19056° с. е. 79.05944° ш. б. / 45.19056; 79.05944 ^(G) ^(O) ^(Я)^(T)
Сағасы	Үшкөл 1 көлі
• Орналасқан жері	Молалы темір жол стансасының солтүстік-батысындағы 25 км жер
• Координаттары	45°39′40″ с. е. 78°05′44″ ш. б. / 45.66111° с. е. 78.09556° ш. б. / 45.66111; 78.09556 ^(G) ^(O) ^(Я)Координаттар: 45°39′40″ с. е. 78°05′44″ ш. б. / 45.66111° с. е. 78.09556° ш. б. / 45.66111; 78.09556 ^(G) ^(O) ^(Я)^(T)
Орналасуы
Ел	Қазақстан
Аймақ	Жетісу облысы Ақсу ауданы

 Басқа мағыналар үшін Қызылағаш деген бетті қараңыз.

Географиялық орны

Жетісу облысы Ақсу ауданының жерімен ағады.

Гидрологиясы

Ұзындығы 117 км, су жиналатын алабы 2430 км², жалпы ұзындығы 190 км болатын 140 саласы бар және алабында шағын 8 көл орналасқан. Ірі салалары: Мұзбұлақ, Біртоған, Қапал, Ақтұма, Шыңбұлақ. Сондай-ақ Қызылағаш бөгенінен төменде Егінсу, Ақешкі және Құрөзек тарамдарына ажыратылады.

Бастауы

Бастауын Жетісу Алатауының батыс сілемі Қаратау тауларынан алып, Молалы темір жол стансасының солтүстік-батысында 25 км жерде Үшкөл 1 көліне құяды.

Жер бедері

Жоғарғы арнасы тар, тау шатқалымен ағады, Күреңбел (Қорымбел) қонысы аумағында арнасы біршама кеңейеді, жағалауы жарқабақты келген. Орта ағысы жонды-белесті, сайлы-жыралы өңірмен өтеді. Мұндағы жағалауы жарлауытты. Қызылағаш бөгенінен төменде арнасы кеңейеді, алабы жазық жермен өтеді. Жер асты, жауын-шашын суларымен толығады. Жылдық орташа су ағымы Қызылағаш ауылы тұсында 2,16 м³/с. Суы егістікке пайдаланылады, жайылмасы шабындық және жоғарғы алабы мал жайылымына пайдаланылады.

Дереккөздер

1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5