Қауылжыр (Шалқар алабындағы өзен)

Қауылжыр – Шалқар алабындағы өзен.

Қауылжыр өзені
Сипаттамасы
Ұзындығы	142 км
Су алабы	1810 км²
Бастауы	Мұғалжар тауының шығыс беткейіндегі бұлақтар.
Сағасы	Шалқар көлі
• Координаттары	47°49′46″ с. е. 59°34′56″ ш. б. / 47.82944° с. е. 59.58222° ш. б. / 47.82944; 59.58222 ^(G) ^(O) ^(Я)Координаттар: 47°49′46″ с. е. 59°34′56″ ш. б. / 47.82944° с. е. 59.58222° ш. б. / 47.82944; 59.58222 ^(G) ^(O) ^(Я)^(T)
Орналасуы
Ел	Қазақстан
Аймақ	Ақтөбе облысы Шалқар ауданы .

Географиялық орны

Ақтөбе облысының Шалқар ауданы жерімен ағады. Ұзындығы 142 км, су жиналатын алабы 1810 км².

Бастауы мен су алабы

Бастауы Мұғалжар тауының шығыс беткейіндегі бұлақтардан алып, Шалқар көліне құяды. Өзенге ондаған шағын жылғалар қосылады. Ірі салалары: Алабассай, Қарабұлақсай, Сарысай, Қоғанжар, т.б.

Гидрологиясы

Арнасының жоғарғы бөлігі төбелер аралығымен ағып, қалған бөлігі үстірттің сортаңды ойыстары арқылы өтеді. Су жайылмасы сағасында 8 км-ге дейін кеңейеді. Арнасының ені 50-150 м. Көбіне қар, аздап жер асты суларымен толығады. Жазда арнасындағы ағыс қарасуларға бөлініп қалады. Арна бойындағы құдық суымен мал суарылады.

Дереккөздер

1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5