Қарқаралы (өзен)

Қарқаралы – Қарасор алабындағы өзен.

Қарақаралы
Қарқаралы өзенінің орманды жағалауы
Сипаттамасы
Ұзындығы	60 км
Су алабының ауданы	570 км²
Су алабы	Қарасор
Бастауы	Үлкен Қарқаралы және Кіші Қарқаралы өзендерінің қосылған жері
• Координаттары	49°25′42″ с. е. 75°33′03″ ш. б. / 49.42833° с. е. 75.55083° ш. б. / 49.42833; 75.55083 ^(G) ^(O) ^(Я)^(T)
Сағасы	Қарасор көлі
• Координаттары	49°47′31″ с. е. 75°19′06″ ш. б. / 49.79194° с. е. 75.31833° ш. б. / 49.79194; 75.31833 ^(G) ^(O) ^(Я)Координаттар: 49°47′31″ с. е. 75°19′06″ ш. б. / 49.79194° с. е. 75.31833° ш. б. / 49.79194; 75.31833 ^(G) ^(O) ^(Я)^(T)
Орналасуы
Ел	Қазақстан
Аймақ	Қарағанды облысы Қарқаралы ауданы

Географиялық орны

Қарағанды облысының Қарқаралы ауданы жерімен ағады.

Бастауы

Қарқаралы тауларының шығыс етегіндегі бұлақтардан басталатын Үлкен Қарқаралы және Кіші Қарқаралы өзендерінің қосылуынан бастау алып, Қарасор көліне құяды. Ұзындығы 60 км, су жиналатын алабы 570 км².

Гидрологиясы

Жоғарғы ағысының арнасы тік жарлы, төменгі ағысы жайпақ. Жер асты және жауын-шашын суларымен толығады. Жылдық орташа су ағымы Ақжол ауылы тұсында 0,033 м³/с. Суы көктемгі қар және бұлақ суларымен толығады. Қараша айында суы қатып, сәуірде ериді. Суы тұщы. Басты салалары: Құрөзек, Түлкілі, Тасбұлақ, Мұқтар. Қарқаралы қаласын, т.б. елді мекендерді сумен қамтамасыз етеді. Жазда мал суарылады. Жайылмасында шабындық, өзен бойында тал, шілік тоғайы өседі.

Дереккөздер

1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5