Қаратөбе (тау, Нұра ауданы)

Қаратөбе – Амантау тауларының солтүстік-шығысындағы шоқы.

Қаратөбе
Сипаттамасы
Ұзындығы	7 км
Ені	2 км
Биіктігі	416 м
Орналасуы
49°48′52″ с. е. 70°49′20″ ш. б. / 49.81444° с. е. 70.82222° ш. б. / 49.81444; 70.82222 ^(G) ^(O) ^(Я)Координаттар: 49°48′52″ с. е. 70°49′20″ ш. б. / 49.81444° с. е. 70.82222° ш. б. / 49.81444; 70.82222 ^(G) ^(O) ^(Я)^(T)
Елдер	Қазақстан, Қарағанды облысы Нұра ауданы
Қаратөбе
Қаратөбе

 Басқа мағыналар үшін Қаратөбе деген бетті қараңыз.

Географиялық орны

Қарағанды облысы Нұра ауданы Изенді ауылының оңтүстік-батысында 12 км жерде орналасқан.

Жер бедері

Оңтүстік-батыстан оңтүстік-шығысқа қарай 7 км-ге созылып жатыр, енді жері 2 км. Абсолюттік биіктігі 416 м. Беткейлері жонды-қырқалы ұсақ шоқылардан тұрады. Солтүстік-батысында Өстемір, батысында Топаркөл, солтүстік-шығысында Изенді көлдері жатыр. Шығысынан Құланөтпес өзені ағып өтеді. Етегінде Шұбартөбе қыстауы орналасқан.

Өсімдігі

Қиыршықтасты сортаңды бозғылт қоңыр топырақ жамылғысында қара жусан, көкпек, бетеге, сұлыбас, т.б. өсімдіктер өседі.

Дереккөздер

1. Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5