Қаратау жотасы Маңғыстау түбегіндегі аласа тау жоталары Қаратау жотасыМаңғыстау түбегіндегі Қаратау жотасының етегіСипат

Қаратау жотасы – Маңғыстау түбегіндегі аласа тау жоталары.

Сипаттамасы
Қаратау жотасы
Маңғыстау түбегіндегі Қаратау жотасының етегі
Пайда болған кезеңі	Пермь
Ұзындығы	110 км
Ені	12 км
Ең биік шыңы	Бесшоқы (тау, Маңғыстау облысы)
Биіктігі	556 м
Орналасуы
44°12′49″ с. е. 52°08′20″ ш. б. / 44.21361° с. е. 52.13889° ш. б. / 44.21361; 52.13889 ^(G) ^(O) ^(Я)Координаттар: 44°12′49″ с. е. 52°08′20″ ш. б. / 44.21361° с. е. 52.13889° ш. б. / 44.21361; 52.13889 ^(G) ^(O) ^(Я)^(T)
Елдер	Қазақстан, Маңғыстау облысы Маңғыстау ауданы
Қаратау жотасы
Қаратау жотасы

Географиялық орны

Маңғыстау облысы Маңғыстау ауданы жерінде орналасқан. Батыстан шығысқа қарай 110 км-ге созылып жатыр, енді жері 12 км. Батыс Қаратау және Шығыс Қаратау жоталарынан тұрады. Ең биік жері – жотасында орналасқан Бесшоқы тауы (556 м).

Жер бедері

Үстіртті келген тау беткейлері сай, жыра, шатқалдармен тілімденген. Тау баурайларында бұлақтар (Сарыбұлақ - Батыс Қаратауда, Жаманүшқұз - Шығыс Қаратауда) бар. Батыс және Шығыс Қаратау аралығында Маңғыстау ауданының орталығы – Шетпе ауылы орналасқан.

Геологиялық құрылымы

Пермь кезеңінің метаморфтанған құмтас, әктас және конгломераттарынан түзілген. Қаратау жотасының жер қойнауында темір, мыс кентастары, көмір, мұнай, газдың мол қоры барланып ашылған. Қаратау сілемдерінен су алатын 20 шақты орын бар. Олардың ішінде ең ірілері- Тұщыбек, Шайыр, Шетпе, Қарақұдық, Онды, Жармыш, Ағашты, Аусары, Күркүреуік, Керіз, Доллы апа. Бұлардағы су мүмкіндігі 1,5-тен 6,3 л/с дейін, ал атпалы түтіктердегі 5-15 л/с ке дейін, кей жерлерде 23 л/с дейін (Қарақұдық), кей жылдары бірсыпыра су көздерінің (Тұщыбек, Шайыр) өнімділігі көктемде 15-25 л/с жетеді. Пайдаланатын су қоры әп түрлі әдіспен есептегенде 260 л/с деп бағаланады.

Өсімдігі

Беткейінде жусан, қараған, етегінде тасбұйырғын өседі. Аңғары – жайылым.

Дереккөздер

Маңғыстау энциклопедиясы, Алматы, 1997;
Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5

[1] Маңғыстау энциклопедиясы, Алматы, 1997;

[2] Қазақстан табиғаты:Энциклопедия / Бас ред. Б.Ө.Жақып. - Алматы:" Қазақ энциклопедиясы" ЖШС, 2011. Т.З. - 304 бет. ISBN 9965-893-64-0 (Т.З.), ISBN 9965-893-19-5