Қайролла Дүйсенбайұлы Рахимов

Рахимов Қайролла Дүйсенбайұлы (15.3.1948 жылы туған, Павлодар облысы Баянауыл ауданы ) – фармаколог ғалым, медицина ғылыми докторы (1993), профессор (1996).

Арғын тайпасының Сүйіндік руының Қаржас бөлімінен шыққан.

Алматы мемлекеттік медицина институтын(қазіргі Қазақ ұлттық медицина университеті) бітірген (1972). 1972 – 75 жылдары Алматы орталық қалалық клиникалық ауруханасында дәрігер, 1975 – 91 жылдары Қазақ онкология және радиология ғылыми-зерттеу институтында аспирант, кіші, аға ғылыми қызметкер, 1991 – 2004 жылы Қазақ ұлттық медицина университетінде доцент, профессор, кафедра меңгерушісі, 2004 – 05 жылдары Дәрілік заттар, медициналық мақсаттағы бұйымдар және медицина техникасы Ұлттық орталық бас директорының ғылым жөніндегі орынбасары, 2005 жылдан Алматы мемлекеттік дәрігерлер білімін жетілдіру институтында кафедра меңгерушісі. Рахимовтың негізгі ғылыми еңбектері фармакология мәселелеріне арналған. Оның қатысуымен “”, “”, “”, “Сүттіген” (ісікке қарсы), “Салсоколлин”(гепатопротекторлық), “Калиор” (антисептикалық), “АВС” (жақпа май), “Паннувладин” (қабынуға қарсы), т.б. фармакология әсері әр алуан отандық ерекше дәрілік препараттар алынды. Оның жетекшілігімен 5 докторлық және 25 кандидаттық диссертация қорғалды. 750-ден астам ғылыми мақаланың, оның ішінде 25 монографияның, 29 әдістемелік еңбек пен оқулықтардың, 116 өнертабыстың авторы. Рахимов “Қазақстанда табиғи сесквитерпен лактондарын химиялық қасиетін зерттеп, солардың негізінде жаңа дәрілік заттарды алу және ерекше отандық фитопрепараттар өндірісін ұйымдастыру” еңбектер топтамасы үшін Қазақстан Мемлекеттік сыйлығын алды (2007).

Шығармалары

Шығармалары: Қазақстанның дәрілік өсімдіктері және оның қолданылуы, А., 1998; Биологический активный комплекс – Алхидин и его фармакологическая активность, А., 2001; Лекарственные препараты в Казахстане, А., 2004.

Сілтемелер

• Фармакология

Дереккөздер

1. Серік Имантайұлы Жақсыбаев Қаржас ұрпақтары — Павлодар: ЭКО, 2008. — 400 б. — 1000 таралым. — ISBN 9965-08-265-0.