Қайрат — Динамо, Киев (футбол матчы, 1986)

"Қайрат" — Динамо (Киев) — 1986 жылғы Футболдан КСРО чемпионатының 1986 жылғы маусымындағы 22-тур матчы. 3 қыркүйек күні Алматыдағы Орталық стадионда өтті. "Қайрат" футболшылары 2:1 есебімен жеңіске жетті.

Қайрат — Динамо Киев
Турнир	Футболдан КСРО чемпионаты
Қайрат Динамо (Киев) 2 1
Дата	3 қыркүйек, 1986 жыл
Стадион	Қазақ КСР-інің Орталық стадионы, Алматы
Көрермендер	15 000
Ауа райы	ашық

Матч

Матчың фавориті "Динамо" болды. Себебі, құрамында содан үш ай бұрын ғана Мексикада өткен әлем чемпионатында жарқыраған футболшылар жеткілікті еді: Демьяненко, Рац, Яковенко, Блохин, Беланов, Михайличенко, Баль және жаттықтырушысы Лобановский. Сондай-ақ бұл футболшылар сол жылы (Кубок иелері кубогында) топ жарған-ды. Оның үстіне "Динамо" турнир кестесінде "Қайраттан" анағұрлым жоғары тұрған болатын.

"Қайрат" өзінің кәдуілгі оптималды құрамымен алаңға шықты.

Ойын алаң иелерінің күтпеген шабуылымен басталды. Пехлеваниди мен Волгин өзара пас алмасып, киевтіктердің айып алаңына жетіп келді. Нәтижесінде Пехлеваниди әлі де бой қыздырып жүрген Чанов қорғаған қақпаны дәл көздеп, есеп ашты. Бұл — 10-шы секунд болатын.

Динамолықтар өз-өзіне келем дегенше қайраттықтар бірнеше рет қорғанысты бұзып өтті. Жылдам гол есеңгіретіп тастаған қонақтар бірінші таймда оншалықты ойнай алмады. 20-минутта алғашқы голдың соавторы атанған Волгин Салимовқа пас тастады. Салимовты Горилый шалып құлатты да, төреші пенальти белгіледі. Яровенко есепті еселеді — 2:0.

Динамолықтар тек бірінші таймның соңғы минуттарында ғана есеп айырмасын қысқартты. Олег Кузнецовтың айып добынан соққан голы матчтағы соңғы гол еді.

Екінші таймда Лобановский алаңға Белановты шығарғанымен, есеп өзгермеді. Бұл күні киевтіктер аздап басымдау болғанымен өз мүмкіндіктерін толық ашып көрсете алмады. Керісінше алматылықтар бірнеше рет қауіпті шабуыл жасады, бірақ пайдалана алған жоқ. Екінші тайм осылайша алма-кезек шабуылдармен өтті.

Матч соңына қарай қонақтардың жүйкесі сыр бере бастады. 82, 87 минуттарда Горилый екі рет тәртіп бұзды, екеуінде де сары қағаз алып, алаңнан қуылды.

Ал, "Қайрат" футболшылары өздерінің тарихындағы ең жақсы матчтарының бірін өткізді.

Протокол

3 қыркүйек, 1986 жыл	Қайрат (Алматы) 2-1 Динамо (Киев) Пехлеваниди 1 Яровенко 20 Голдар Олег Кузнецов 45	Қазақ КСР-інің орталық стадионы, Алматы Көрермендер саны: 15 000 Төреші: В. Кузнецов (Омск)

Қайрат: Александр Убыкин Борис Жұманов Евгений Яровенко Сергей Тимофеев Дмитрий Огай Сергей Волгин Владимир Никитенко Сергей Ледовских Фанас Салимов 90' Вахид Масудов Евстафий Пехлеваниди 89' Алаңға шыққандар: Сергей Сорокин 90' Виктор Карачун 89'

Динамо: Виктор Чанов Владимир Горилый  82' Вадим Каратаев Олег Кузнецов Анатолий Демьяненко Василий Рац Павел Яковенко Андрей Баль Алексей Михайличенко 71' Вадим Евтушенко 46' Олег Блохин Алаңға шыққандар: Александр Щербаков 71' Игорь Беланов 46'

Матчтан кейінгі турнир кестесі

О	Команда	О	Ұ	Т	Ж	Голдар	±	Ұ
1	Зенит	21	10	6	5	34 − 21	+13	26
2	Шахтер	22	9	7	6	31 − 21	+10	25
3	Динамо М	20	9	7	4	26 − 20	+6	25
4	Спартак	22	9	6	7	37 − 18	+19	24
5	Торпедо М	23	7	11	5	22 − 20	+2	24
6	Динамо К	17	8	7	2	22 − 15	+7	23
7	Днепр	22	7	8	7	30 − 29	+1	22
8	Динамо Тб	22	7	8	7	20 − 23	−3	22
9	Нефтчи	22	6	10	6	24 − 23	+1	22
10	Жальгирис	22	8	4	10	19 − 25	−6	20
11	Арарат	22	7	6	9	18 − 23	−5	20
12	Динамо Мн	22	7	6	9	21 − 31	−10	20
13	Қайрат	22	7	6	9	18 − 28	−10	20
14	Черноморец Одесса	22	7	5	10	20 − 23	−3	19
15	Металлист	21	5	7	9	15 − 19	−4	17
16	Торпедо Кт	22	4	6	12	20 − 41	−21	14

Фактілер

• Пехлеванидидің 10-секундта соққан голы КСРО чемпионаты тарихындағы ең жылдам гол боп тарихта қалды.
• Олег Кузнецов "Динамо" клубының КСРО чемпионаттарындағы 2100-ші голын соқты.

Сілтемелер

• "Қайрат" Алматы - "Динамо" Киев, 1987(қолжетпейтін сілтеме)
• Александр Костенконың естелігі(қолжетпейтін сілтеме)
• Ойынның протоколы