Қазақстан — Камбоджа қатынастары

Қазақстан — Камбоджа қатынастары — Қазақстан Республикасы мен Камбоджа Корольдігі арасындағы дипломатиялық қатынастар.

Дипломатия

Қазақстан Республикасы мен Камбоджа Корольдігі арасындағы дипломатиялық қатынастар 1994 жылғы 25 ақпанда тиісті Хаттамаға қол қою арқылы белгіленді.

2019 жылғы 21 желтоқсанда ҚР Вьетнамдағы Елшісі Е. Байжанов Камбоджа Корольдігіндегі ҚР елшісі болып тағайындалды.

Саяси ынтымақтастық

Қазақстан-Камбоджа қатынастары саяси және басқа да салаларда қалыптасу сатысында тұр және айтарлықтай ашылмаған әлеуетке ие. Осы уақытқа дейін елдер жоғары деңгейдегі сапарлармен алмаспады, екі елдің заң шығарушы билігі мен сот органдарының желісі бойынша өзара іс-қимыл дамымады.

2011 ж. 31 наурыз – 4 сәуір аралығында Камбоджа Премьер-Министрінің арнайы өкілі Оуче Борита Қазақстанға сапармен келді. Сапар барысында О. Борит Премьер-Министрдің орынбасары – ҚР Индустрия және жаңа технологиялар министрі А.Исекешевпен, ҚР Сыртқы істер министрінің орынбасары Е. Қазыхановпен және ҚР Мұнай және газ вице-министрі Л. Кииновпен, сондай-ақ ҚР ИЖТМ инвестициялар комитетінің басшылығымен кездесті. Сондай-ақ, О.Борит президенттік сайлауға бақылаушы ретінде қатысты.

2015 жылғы 12 тамызда ҚР Президентінің Арнайы өкілі, ҚР Сыртқы істер министрінің орынбасары А.Мусинов Камбоджа Корольдігіне барып, Сыртқы істер және халықаралық ынтымақтастық министрлігінің Мемлекеттік хатшысы Оуче Боритпен кездесті. Кездесу барысында А. Мусинов ҚР Президенті Н. Назарбаевтың 2017-2018 жылдарға арналған БҰҰ Қауіпсіздік Кеңесінің тұрақты емес мүшесі лауазымына ҚР кандидатурасын қолдауға қатысты Камбоджа премьер-министрі Хун Сенге жолдауын табыс етті.

Парламентаралық ынтымақтастық

2019 жылғы 23 қыркүйекте Нұр-сұлтан қаласында Еуразия елдері Парламенттері спикерлерінің 4-ші кеңесі аясында ҚР Парламенті Мәжілісінің Төрағасы Н.Нығматулиннің Камбоджа Ұлттық Ассамблеясының Төрағасы Хенг Самринмен кездесуі өтті.

Сауда-экономикалық ынтымақтастық

Екі ел арасындағы сауда-экономикалық саладағы ынтымақтастық деңгейі шамалы. ҚР Қаржы министрлігі Мемлекеттік кірістер комитетінің соңғы деректері бойынша Қазақстан Республикасы мен Камбоджа Корольдігі арасындағы сауда айналымы 2019 жылы 7,252 млн. АҚШ долл., оның ішінде қазақстандық экспорт – 2,3 мың АҚШ долл., импорт -7,250 млн. АҚШ.

2018 жылдың қорытындысы бойынша көлемі 7,2 млн. АҚШ, бұл 2017 жылмен салыстырғанда 33% - ға көп.

Дереккөздер

1. ҚР Вьетнамдағы Елшілігі Қазақстан-Камбоджа қатынастары туралы  (қаз.). Тексерілді, 17 қыркүйек 2023.