Қазақстан Республикасы Ғылым және жоғары білім министрлігі қысқартқанда ҚР ҒЖБМ Қазақстандағы жоғары білім тіл саясаты ғ

Қазақстан Республикасы Ғылым және жоғары білім министрлігі (қысқартқанда ҚР ҒЖБМ) — Қазақстандағы жоғары білім, тіл саясаты, ғылым салалары және бұл салалардағы цифрландыру мәселелеріне жауапты Үкімет құрамына кіретін мемлекеттік орган.

Қазақстан Ғылым және жоғары білім министрлігі

Қазақстан елтаңбасы
Жалпы мағлұмат
Мемлекет	Қазақстан
Құрылған уақыты	11 маусым 2022 жыл
Оның алдындағы мекеме	Қазақстан Білім және ғылым министрлігі
Мекемені басқарады	Қазақстан Республикасының Үкіметі
Штаб-пәтері	010000, Астана, Мәңгілік Ел даңғылы, 8, Министрліктер үйі, 11-кіреберіс
Министр	Саясат Нұрбек
Ресми сайты
gov.kz/memleket/entities/sci

Тарихы

1992 жылы ақпанда Үкімет құрамында Ғылым және жаңа технологиялар министрлiгi құрылды.

1996 жылы наурызда Қазақстан Республикасының Ұлттық ғылым академиясы, Қазақ ауыл шаруашылығы ғылымдары академиясы мен Ғылым және жаңа технологиялар министрлiгi біріктіріліп, орталық атқарушы орган Ғылым министрлiгi - Ғылым академиясы құрылды.

1999 жылы қаңтарда Ғылым және жоғары білім министрлігі, ал ақпанда Қазақстан Республикасының Ұлттық ғылым академиясы ұйымдастырылды.

1999 жылы қазанда Білім, денсаулық сақтау және спорт министрлігі мен Ғылым және жоғары білім министрлігі бірқатар өкілеттіктерін Денсаулық сақтау ісі жөніндегі агенттігі, Туризм және спорт жөніндегі агенттігі, Энергетика, индустрия және сауда министрлігіне бере отырып, Білім және ғылым министрлігіне бірікті.

2003 жылы қазанда Қазақстанның жетекші ғалымдарының бастамасымен "Қазақстан Республикасының Ұлттық ғылым академиясы" республикалық мемлекеттік мекемесі таратылып, қоғамдық бірлестік ретінде жұмысын жалғастырды.

2022 жылдың 11 маусымында президент Тоқаев жарлығымен Білім және ғылым министрлігі екі министрлікке бөлінді: Асхат Аймағамбетов басқарған Оқу-ағарту министрлігі және Саясат Нұрбек басқаратын Ғылым және жоғары білім министрлігі.

Қызметі

Министрліктің ресми сайтының мәліметінше министрлік «жоғары және жоғары оқу орнынан кейінгі білім беру, тіл саясаты, ғылым, ғылым саласындағы сапаны қамтамасыз ету, жоғары және жоғары оқу орнынан кейінгі білім беру, ғылымды, жоғары және жоғары оқу орнынан кейінгі білім беруді цифрландыру саласында басшылықты жүзеге асырады».

Комитеттері

Ғылым және жоғары білім министрлігінің 4 түрлі ведомствосы бар:

Ғылым комитеті
Ғылым және жоғары білім саласындағы сапаны қамтамасыз ету комитеті
Жоғары және жоғары оқу орнынан кейінгі білім комитеті
Тіл саясаты комитеті.

Қарамағындағы ұйымдар

Мемлекеттік заңды тұлғалар

«Жоғары білім беруді дамыту ұлттық орталығы» ШЖҚ РМК
«Ұлттық тестілеу орталығы» ШЖҚ РМК
«Ұлытау техникалық университеті» ШЖҚ РМК

Акцияларының мемлекеттік пакеттері мен қатысу үлестерін иелену және пайдалану құқығы берілген заңды тұлғалар

Министрлер тізімі

№	Аты-жөні (Өмір сүрген жылдары)	Қызметі			Үкімет басшысы
(1992–1996)
1	Ғалым Әбілсейітов (1940 туған)	маусым 1992	тамыз 1994	белгісіз
2	Владимир Школьник (1949 туған)	тамыз 1994	наурыз 1996	Партиясыз
(1996–1999)
1	Владимир Школьник (1949 туған)	наурыз 1996	қаңтар 1999	Партиясыз
Ғылым және жоғары білім министрлігі (1999)
1	Владимир Школьник (1949 туған)	қаңтар 1999	қазан 1999	Партиясыз
Білім және ғылым министрлігі (1999–2022)
1	Қырымбек Көшербаев (1955 туған)	қазан 1999	18 желтоқсан 2000	белгісіз
2	Нұралы Бектұрғанов (1949 туған)	18 желтоқсан 2000	қаңтар 2002	белгісіз
3	Шәмшә Беркімбаева (1942–2022)	қаңтар 2002	14 маусым 2003	белгісіз
4	Жақсыбек Құлекеев (1957 туған)	14 маусым 2003	13 желтоқсан 2004	белгісіз
5	Бірғаным Әйтімова (1953 туған)	13 желтоқсан 2004	19 қаңтар 2007	белгісіз
6	Жансейіт Түймебаев (1958 туған)	19 қаңтар 2007	22 қыркүйек 2010	белгісіз
7	Бақытжан Жұмағұлов (1953 туған)	22 қыркүйек 2010	2 қыркүйек 2013	белгісіз
8	Аслан Сәрінжіпов (1974 туған)	2 қыркүйек 2013	10 ақпан 2016	белгісіз
9	Ерлан Сағадиев (1966 туған)	10 ақпан 2016	25 ақпан 2019	белгісіз
10	Күләш Шәмшидинова (1958 туған)	25 ақпан 2019	13 маусым 2019	белгісіз
11	Асхат Аймағамбетов (1982 туған)	13 маусым 2019	5 қаңтар 2022	белгісіз
м.а.		5 қаңтар 2022	11 қаңтар 2022
12		11 қаңтар 2022	11 маусым 2022
Ғылым және жоғары білім министрлігі (2022 бері)
1	Саясат Нұрбек (1981 туған)	11 маусым 2022	—	Аманат	Бектенов

Дереккөздер

Байланыс (қаз.). Ғылым және жоғарғы білім министрлігінің ресми сайты. Тексерілді, 4 қыркүйек 2023.
ҚР ҒЖБМ Ғылым және жоғары білім саласындағы сапаны қамтамасыз ету комитеті Сыртқы бағалау және талдау басқармасының бас сарапшысы (қаз.). Ғылым және жоғарғы білім министрлігінің ресми сайты. Тексерілді, 4 қыркүйек 2023.
Жалпы ақпарат (қаз.). Ғылым және жоғарғы білім министрлігінің ресми сайты. Тексерілді, 4 қыркүйек 2023.
Білім және ғылым министрлігі екіге бөлінді. Асхат Аймағамбетов оқуды, Саясат Нұрбек ғылымды басқарады (қаз.). Азаттық радиосы (11 маусым 2022). Тексерілді, 4 қыркүйек 2023.
Школьнику вручен партбилет члена «Нур Отана» (орыс.). Азаттық радиосы (28 мая 2004). Тексерілді, 13 қыркүйек 2023.

[1] Байланыс (қаз.). Ғылым және жоғарғы білім министрлігінің ресми сайты. Тексерілді, 4 қыркүйек 2023.

[2] ҚР ҒЖБМ Ғылым және жоғары білім саласындағы сапаны қамтамасыз ету комитеті Сыртқы бағалау және талдау басқармасының бас сарапшысы (қаз.). Ғылым және жоғарғы білім министрлігінің ресми сайты. Тексерілді, 4 қыркүйек 2023.

[tuwrali-3] Жалпы ақпарат (қаз.). Ғылым және жоғарғы білім министрлігінің ресми сайты. Тексерілді, 4 қыркүйек 2023.

[4] Білім және ғылым министрлігі екіге бөлінді. Асхат Аймағамбетов оқуды, Саясат Нұрбек ғылымды басқарады (қаз.). Азаттық радиосы (11 маусым 2022). Тексерілді, 4 қыркүйек 2023.

[skolnik-5] Школьнику вручен партбилет члена «Нур Отана» (орыс.). Азаттық радиосы (28 мая 2004). Тексерілді, 13 қыркүйек 2023.