Эстерсунд

Эстерсунд – муниципалитет және Швециядағы орталық қала. Швециядағы көлемі жағынан бесінші орын алатын жағасында орналасқан.

лен провинциясының орталық қаласы. Эстерсунд аймақтағы мәдениет пен экономика, сауда ісі мен коммерцияның ұлттық орталығы. Халқының саны жағынан Швеция қаларының арасында 36-шы орынға ие. Негізі 1786 жылы қаланған.

Бастапқы кезеңде қала Емтланд леннің сауда монополиясы ретінде құрылған. Қаланы құрудағы мақсат–жергілікті фермерлерді делдал ретінде Эстерсундға тауарларды жеткізуге мәжбүрлеу, алайда халық бұл экономикалық позицияға қарсы шыққан. Осының әсерінен көп уақытқа дейін қала дамымай қалған. Бұл 19-шы жүзжылдықтың соңына дейін жалғасқан. Тек Эстерсундта темір жол құрылыс салынғаннан кейін ғана қала көркейіп, дами бастаған.

Эстерсунд Скандинавияның ішкі бөлігінде орналасқан. Сонымен қатар швед жағалауының шығысындағы Сундсвалл ауданымен, Норвеж теңізінің батыс жағалауындағы Тронхей ауданымен шекаралас жатыр.

Эстерсунд қысқы қала – Vinterstaden ретінде жарнамаланады. Қысқы қала муниципалитеттер мен қалалық кәсіпкерлердің бірлескен жобасы. Эстерсунд қысқы спорт ойындарының орталығы. Бұл жерде қысқы спорт түрлерінен бірнеше әлем чемпионаттары өткен. Қала бірнеше рет қысқы олимпиада ойындарын өткізуге үміткер болған. Алайда шаһарда әлі бірде –бір рет олимпиада ойындары өткізілмеген.

Мәдениеті

Фрёсён аралында хайуанаттар бағы орналасқан; Эстерсундте «Ямтли» мұражай мен композитор Вильгельм Петерсон Бергертің үй -мұражайы бар.

Спорты

Эстерсундта 1989, 1993, 1995—1997, 2000, 2002, 2003—2007, 2009 жылдар аралығында биатлоннан әлем кубогы кезеңдері өткен. Сонымен қатар қала 2014 жылы өтетін қысқа олимпиада ойындарына өз кандидатурасын ұсынған, алайда Швеция үкіметі бұл ұсынысты қолдамаған. Эстерсундте өзімен аттас футбол клубы бар.

Дереккөздер

1. http://ru.wikipedia.org/wiki/%D0%AD%D1%81%D1%82%D0%B5%D1%80%D1%81%D1%83%D0%BD%D0%B4