Шәймерден Бейсенбайұлы Бектұрғанов

Шәймерден Бейсенбайұлы Бектұрғанов (1896, бұрынғы Ақмола губерниясы, Петропавл уезі, Мамлют ауылы – 1938) – , саяси қуғын-сүргін құрбаны.

Шәймерден Бейсенбайұлы Бектұрғанов
Лауазымы
Ту Қазақ АКСР Жоғарғы Соты төрағасы
Ту Қазақ КСР Жоғарғы Соты төрағасы Ту
1934 — 1937
Ізашары	Қазмұхамед Күлетов
Ізбасары	Әбдірахман Құскелдиев
Өмірбаяны
Дүниеге келуі	1896 (1896)
Қайтыс болуы	1938 (1938)
өңдеу

Өмірбаяны

Арғын тайпасының Қарауыл руынан шыққан.

1911 жылы Белое селосындағы 2 сыныптық мектепті бітірген. 1-дүниежүзілік соғысқа қатысқан. Азамат соғысы кезінде жасағының құрамында ақтарға қарсы күресті. 1919 – 23 жылдары Мамлютка селолық кеңесінің төрағасы және болыстық атқару коммитетінің хатшысы, 1923 – 25 жылдары Төңкеріс ауданында болыстық коммитеттің хатшысы, Петропавл уездік партия коммитеті ұйымдастыру бөлімінің меңгерушісі болды. 1925 – 26 жылдары Мәскеуде партия қызметкерлерін даярлайтын курста оқып, 1926 жылы Петропавлда, 1927 – 28 жылдары Ақмолада уездік партия коммитетінің хатшысы, 1928 – 29 жылдары Сырдария губерниясы коммитетінде бөлім меңгерушісі, 1929 – 30 жылдары Адай және Қарқаралы округтік коммитеттерінде жауапты хатшы қызметтерін атқарды. 1930 – 31 жылдары марксизм-ленинизм курсының тыңдаушысы, 1931 – 33 жылдары ххМәскеуъъде Қызыл профессура институтында оқыды. 1933 – 34 жылдары Алматы Жоғары коммунистік ауыл шарушылығы мектебінің ректоры, 1934 – 37 жылдары КСРО Жоғарғы соты Қазақ бөлімінің төрағасы, Қазақ КСР-і Жоғарғы сотының төрағасы, Қазақ АКСР-і әділет халық комиссарының орынбасары болды. 1937 жылы желтоқсанда тұтқындалып, кесілді. 1964 жылы желтоқсанда ақталды.

Дереккөздер

1. Возглавить Кызылординскую область проще уроженцу Китая, чем местному алшыну (ru-RU).
2. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, X том