Тастөбе (қорған)

Тастөбе қорғаны – б.з.б. 3 – 2 ғасырлар ескерткіші.

Географиялық орны

Жамбыл облысы Жамбыл ауданы Ақшолақ бекетінен оңтүстікке қарай 5,5 км жерде орналасқан.

Зерттелуі, сипаты

1940 жылы Геромин Пацевич, 1946 – 48 жылы Н.Ф. Федин зерттеген. Сыртқы көрінісі төрт бұрышты, аумағы 45 м, биіктігі 2 м жер дуалмен қоршалған. Оңтүстігінде үш мұнараның орны сақталған, биіктігі 3 м. Қазба барысында керсендер, күбі көзелер, жайпақ табақтар, тостағанға ұқсас ыдыстар, мойны тар құмандар табылған. Тұрғындары негізінен мал шаруашылығымен, егіншілікпен айналысқан.

Дереккөздер

1. Қазақ энциклопедиясы
2. Қ18 Қазақстан ғылымы: Энциклопедия./ Бас.ред. Б.Ө. Жақып. – Алматы: "Қазақ энциклопедиясы" ЖШС, 2010. Т.2.– 544 бет. ISBN 9965-893-30-1