Сергей Викторович Плотников

Сергей Викторович Плотников (1960 жылы 22 шілдеде Шығыс Қазақстан облысы Большенарым ауданының Большенарым ауылында туған) - Қазақстан мемлекеттік қайраткері, Шығыс Қазақстан облысынан сайланған Қазақстан Парламенті Сенатының депутаты.

Сергей Викторович Плотников
Туған күні	22 шілде 1960 (1960-07-22) (64 жас)
Туған жері	Большенарым ауылы, Большенарым ауданы, Шығыс Қазақстан облысы
Азаматтығы	Қазақстан
Білімі	Саратов политехникалық институты (1982)
Партиясы	Нұр Отан

Өмірбаяны

Әкесі - Плотников Виктор Александрович (1928-1978), «Облыстықарнайышаруашылықбірлестігі» директоры болған. Анасы - Плотникова Эмилия Николаевна, зейнеткер.

Саратов политехникалық институтын бітірген (1982), инженер-механик. Физика-математика ғылымдарының кандидаты. Техника ғылымдарының докторы (2009). «Электронды және ионды шоғырлармен жоғары қарқынды импульстармен сәулелендірудегі радиациялық механикалық эффектілер» монографиясының (1998); 31 ғылыми жарияланымның авторы. «Металдар мен қорытпалардан жасалған бұйымдарды өңдеу тәсілдері», «Қатты қорытпаларға қоспа қосу тәсілдері», «Болат бұйымдарды берік ету тәсілдері», «Металдар мен қорытпаларды айыру тәсілдері» және өзге патенттердің иегері.

«Нұр Отан» ХДП мүшесі (2003 жылдан).

1982 жылдан - «Шығысмашзауыты» (Өскемен қаласы) №2 құрастыру цехының ауысым шебері, аға шебері.

1984 жылдан - «Шығысмашзауыты» комсомол комитетінің хатшысы.

1985 жылдан - Өскемен қалалық комсомол комитетінің екінші хатшысы.

1985 жылдан - Қазақстан ЛКЖО Шығыс Қазақстан обкомының хатшысы.

1986 жылдан - «Шығысмашзауыты» №9 цех бастығының орынбасары, №2 цех бастығының орынбасары.

1989 жылдан - «Шығысмашзауыты» ғылыми-өндірістік бірлестігінің бас технологы.

1995 жылдан - «Шығысмашзауыты» АҚ материалдық-техникалық жабдықтау бөлімінің бастығы, 1998 жылдан - материалдық-техникалықжабдықтау және дайын өнімді өткізу бөлімінің бастығы.

1998 жылдан - Шығыс Қазақстан облысының энергетика, индустрия, телекоммуникация және сыртқы экономикалық байланыстар басқармасының бастығы.

2003 жылдан - Шығыс Қазақстан облысы Глубокое ауданының әкімі.

2007 жылдан - Шығыс Қазақстан облысы әкімінің орынбасары.

2008 жылдан бері - Шығыс Қазақстан облысынан сайланған Қазақстан Парламенті Сенатының депутаты.

ҚР хоккей федерациясының мүшесі (2007-2008). «Тыңға 50 жыл» (2005), «Қазақстан Конституциясына 10 жыл», «Астананың 10 жылдығы» (2008) медальдарымен марапатталған.

Әскери атағы - подполковник.

Хоббиі - бильярд, тау шаңғысы, хоккей.

Үйленген. Жұбайы - Плотникова Татьяна Николаевна (1976 жылы туған), «Қазмырыш» ЖШС жетекші маманы. Қызы - Виктория (1981 жылы туған); ұлдары - Александр (1984 жылы туған), Леонид (2005 жылы туған).

Дереккөздер

1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2
2. Плотников Сергей Викторович (персональная справка). Тексерілді, 1 тамыз 2019.
3. В ЦИКе подвели итоги выборов депутатов сената. Азаттык (2 қазан 2014). Тексерілді, 1 тамыз 2019.