Сапротрофтар

Сапротрофтар (грек. sapros — шіріген және tropіc — қорек) — жануарлар өлекселері немесе тірі организмдердің қоршаған ортаға бөліп шығаратын қалдықтарымен қоректенетін гетеротрофты организмдер. Сапротрофтар органик. қосылыстарды минералдарға айналдырып, табиғатта болатын биол. айналымда ең негізгі тізбекті құрайды. Сапротрофтарға бактериялар, , саңырауқұлақтар, сондай-ақ сапрофиттер (кейбір жоғары сатыдағы өсімдіктер, соның ішінде паразитті гүлді өсімдіктер, балдырлардың кейбір түрлері) жатады. Сапротрофты жануарлар (сапрофагтар) қатарына — жәндіктерді (қоңыздар, , , кейбір шыбындардың дернәсілдері, т.б.), жауын құртын, шаянтәрізділерді (бүйірімен жүзушілер, өзен шаяны, т.б.), кейбір сүтқоректілер (қорқау қасқыр, т.б.) мен құстарды (құмай, қарға) жатқызуға болады. Жартылай сапрофагтарға көптеген жыртқыштар мен қорек талғамайтын жануарлар жатады. Суда тіршілік ететін Сапротрофтар суды биол. жолмен тазартуға қатысады, ал топырақтағы сапротрофтар топырақ түзілуде, оның құнарлылығын арттыруда маңызды рөл атқарады.

Пайдаланылған cілтемелер

1. Қазақ Энциклопедиясы, 7 том
2. Қазақ тілі терминдерінің салалық ғылыми түсіндірме сөздігі: Экология және табиғат қорғау / Жалпы редакциясын басқарған – түсіндірме сөздіктер топтамасын шығару жөніндегі ғылыми-баспа бағдарламасының ғылыми жетекшісі, педагогика ғылымдарының докторы, профессор, Қазақстан Республикасы Мемлекеттік сыйлығының лауреаты А.Қ.Құсайынов. – Алматы: «Мектеп» баспасы» ЖАҚ, 2002 жыл. – 456 бет. ISBN 5-7667-8284-5