Сансызбай Сейітжанұлы ЕсіловСансызбай Сейітжанұлы Есілов 1951 жылы 18 қарашада Ақмола облысы Астрахан ауданының 92 разъе

Сансызбай Сейітжанұлы Есілов

1951 жылы 18 қарашада Ақмола облысы Астрахан ауданының №92 разъезінде туған. Қазақ Әкесі - Есілов Сейітжан, зейнеткер, теміржол жұмысшысы. Анасы - Есімова Мәкіш Мекебайқызы, марқұм.

Целиноград теміржол техникумын (1970) «Жол шаруашылығы құрылысы және оны пайдалану» мамандығы бойынша; Целиноград инженерлік-құрылыс институтын (1979) инженер-құрылысшы мамандығы бойынша; Алматы жоғары партия мектебін (1988) қоғамтанушы мамандығы бойынша бітірген.

Экономика ғылымдарының кандидаты (2003). Кандидаттық диссертациясының тақырыбы: «Еңбек нарқының қалыптасуы мен дамуы: әлеуметтік-экономикалық аспектілер мен перспективалар».

Қазақ және орыс тілдерін біледі.

«Нұр Отан» ХДП мүшесі (1999 жылдан).

1970 жылдан - Кеңес Әскерінің қатарында қызметте. 1972 жылдан - жөндеуші , техник, аға шебер, Жалтыр стансасы 7-ші жолының инженері. 1975 жылдан - Қазақстан компартиясы Астрахан аудандық комитетінің нұсқаушысы. 1980 жылдан - Қазақстан компартиясы Теңіз аудандық комитетінің бөлім меңгерушісі, хатшысы. 1986 жылдан -Алматы жоғары партия мектебінің тыңдаушысы. 1988 жылдан - Целинград облыстық партия комитетінде нұсқаушы, бөлім меңгерушісінің орынбасары. 1991 жылдан - Ақмола мемлекеттік аймақтық мүлік комитеті төрағасының орынбасары, 1992 жылдың мамыр айынан 1997 жылдың шілде айына дейін - төрағасы. 1993-1995 жылдары - Ақмола облысы әкімшілігі басшысының орынбасары. 1996 жыл- дан - ҚР Мемлекеттік мүлік комитеті төрағасының орынбасары. 1997 жылдың шілде айынан - Ақмола облысы әкімі аппаратының жетекшісі. 1997 жылдың желтоқсан айынан -Ақмола (Астана қаласы) облысы әкімінің орынбасары. 2000 жылдан - Астана қаласы әкімінің бірінші орынбасары. 2007 жылдың тамыз айынан бері - ҚР Парламент Мәжілісі 4-шақырылымының «Нұр Отан» ХДП тізімі бойынша депутаты, Қаржы және бюджет комитетінің хатшысы. «Отан» партиясы қалалық Астана филиалының төрағасы (1999-2000, 2003-2005); «Отан» партиясы саяси кеңесінің мүшесі (1999, 2002-2006).

«Құрмет» (2001), II дәрежелі «Достық» ордендерімен; «Астана» медалімен марапатталған.

Әскери атағы - запастағы полковник.

Діни көзқарасы - мұсылман дінін ұстанады.

Қазақстанның болашағы туралы болжамы - «Менің Отаным - Қазақстан экономикасы дамыған, демократиялық, тұрақты ел болатынына сенемін».

Хоббиі - аңшылық, балық аулау, оқу.

Сүйіп оқитын әдебиеті - тарихи әдебиет.

Үйленген. Жубайы - Есілова Күнайым Табайқызы (1955 жылы туған), үй шаруасымен айналысады. Ұлы - Асқар (1979 жылы туған); қызы - Сандуғаш (1984 жылы туған).

Дереккөздер

Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2

[1] Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2