Прибор жасау

Прибор жасау – машина жасау өнеркәсібінің өлшеу, өңдеу, сұрыптау, ақпаратты өңдеу мен тарату, реттеуші аспаптарды, автоматты және автоматтандырылған құралдарын шығаратын саласы. Ғылым мен техниканың автоматтандыру мен басқару жүйелерінің құралдарын зерттеп, жасап шығарумен айналысады. Механикалық, электрлік, жылулық, оптикалық, радиациялық, т.б. шамаларды өлшеу әдістері мен құралдарын жасау прибор жасау саласында жетекші орын алады. Прибор жасау металлургия, машина жасау, құрылыс материалдары индустриясы, жеңіл, т.б. өнеркәсіп үшін техниканы сынақтан өткізу құралдарын шығарумен де айналысады. Әр түрлі ортаның, материалдардың, өнімдердің заттық құрамын, концентрациясын анықтаумен айналысатын аналитик. Прибор жасау қарқынды дамуда. Оған электрхимиялық, ультрадыбыстық, оптикалық, ядролық және басқа анализаторлар, көп параметрлі күрделі аналитикалық жүйелер кіреді. Осы заманның физикалық-химиялық сұрыптау құралдары электр тогының, эл.-магн. толқындардың, радиацияның, т.б. зерттеліп отырған ортаға әсерін зерттеу үшін қолданылады. Олар сынақ заттарын таңдау, дайындау, заттарды дозалау, сигнал сұрыптау, ақпарат алу жұмыстарын автоматты түрде де жүргізе алады. Металлургияның, химияның, биологияның, т.б. дамуына байланысты кентастардың, металдар мен оның қорытпаларының, мұнай өнімдерінің, шалаөткізгіштер қоспасының, тамақ өнімдерінің, тірі ортаның құрамындағы заттар мен олардың концентрацияларын кең диапозонда дәл анықтау қажеттілігі пайда болды. Ақпараттық технологияның дамуы поэтика ж. әдістері мен технол. құрылғыларды, энергетик. қондырғыларды, көлікті, ғылыми зерттеулерді, т.б. автоматты басқару жүйелерін жетілдіруге жаңа мүмкіндіктер ашты.

Дереккөздер

1. Бірінші сөйлемнің цитатасы