Пост

Пост(фр. poste, лат. positus — койылған) —

1. Сақшыға күзету және қорғау үшін тапсырылғандардың барлығы, сондай-ақ ол өз міндеттерін орындайтын орын немесе жергілікті жер аумағы. Қазақстан Республикасы қарулы күштерінде посты ұйымдастыру және жабдықтау талаптары, сондай-ақ онда қызметін атқару тәртібі ҚР қарулы күштерінің гарнизондық және қарауыл қызметі Жарғысының ережелеріне сәйкес анықталады. Орналасуларына қарай посттар ішкі және сыртқы, ал сақшылардың ауысым санына қарай — 1, 2 және 3 ауысымдық болуы мүмкін. Кейбір жағдайларда әскери бөлімнің аумағынан тыс орналасқан, пост құрамына кіретін объектілер айналасында қажет болған жағдайда бөгде тұлғалар үшін тыйым салынған аймақтар белгіленуі мүмкін. Мұндай аймақтардың шекаралары жергілікті жердегі орғандарымен келісіледі және "Тыйым салынған аймақ, өтуге (жүруге) рұқсат жоқ (жабық)" деген жазуы бар, анық көрінетін белгі қойылады;
2. Арнайы міндетті орындаушы немесе топ (шағын бөлімше) міндетті орындауга арналған, тиісті әскери техникамен жабдықталған орын (пункт). Мысалы, әуе шабуылына қарсы қорғаныс посттары, , , іс-қимылды реттеу посттары және т.б. бар;
3. Техникалық құралдар мен құрал-жабдықтар орнатылған және олардың көмегімен қызметін атқарушылар өз міндеттерін орындайтын кемедегі орын (, бөлме). Бұл нарядтардың түрлері мен арналуларына қарай посттар кемелік кезекшілік, кемелік вахта және арнайы вахта посттары болып бөлінеді.

МАИ посты - жол қозғалысының бақылауға арналған жол бойындағы мемлекеттік қүзет орны.

Дереккөздер

1. Қазақ тілі терминдерінің салалық ғылыми түсіндірме сөздігі: Әскери іс. Алматы: «Мектеп» ААҚ, 2001 жыл
2. Орысша-қазақша түсіндірме жалпы сөздік: Көлік / профессор Е. Арын — Павлодар : «ЭКО» ҒӨФ. 2006.

Ашығу