Оливер Бирхофф

Оливер Бирхофф (нем. Oliver Bierhoff; 1 мамыр 1968 жыл, , ГФР) — неміс футболшысы, шабуылшы. Қазір Германия Ұлттық футбол құрамасының менеджері. Германия құрамасының бұрынғы футболшысы, 1998-2001 жылдардағы капитаны.

Карьерасы

Спорттық карьерасында бірнеше италиялық клубтарда ойнады. Тек "Милан" сапында ғана жоғары жетістікке жетті, 1999 жылы Италия чемпионы атанды. 2003 жылы "Кьево" сапында ойнап жүріп карьерасын аяқтады да, бір жылдан соң Германия футбол құрамасының сол кездегі бапкері Юрген Клинсманның тағайындауымен Бирхофф үшін арнайы жаңадан ашылған қызметке — құраманың менеджері болып іске кірісті. Содан бері үзіліссіз сол қызметті атқарып келе жатыр.

Одан бөлек Бирхофф Sat.1. телеарнасында Чемпиондар Лигасынның матчтарын жүргізетін комментатор болып та істейді.

Ұлттық құрама сапында 1996-2002 жылдары ойнап, 70 кездесуде алаңға шықты да, 37 гол соқты. Бирхофф әсіресе 1996 жылы жарқырады. Сол жылғы ЕУРО-Финалдағы Германия — Чехия матчында екі доп соғып, 0:1 есебімен ұтылып тұрған Германия құрамасын жеңілістен құтқарып қана қоймай, чемпиондықты иеленуіне өлшусіз үлес қосты. Айта кетейік, Еуропа чемпионаттары тарихындағы тұңғыш "алтын голды" сол матчта Бирхофф соқты.

Жетістіктері

Командалық

«Милан»

• Италия чемпионы: 1998/99

Германия

• Еуропа чемпионы: 1996
• Әлемнің вице-чемпионы: 2002

Жекелей

• Италия А сериясының үздік мергені: 1998
• Италия B сериясының үздік мергені: 1993
• Германияның үздік футболшысы: 1998
• «Милан» клубының "Құрмет тақтасына" ілінген.

Клубтық карьерасы

1986—1988	Байер (Юрдинген)	31	(4)
1988—1990	Гамбург	34	(6)
1990	Боруссия (Менхенгладбах)	8	(0)
1990—1991	Аустрия Зальцбург	32	(23)
1991—1995	Асколи	117	(48)
1995—1998	Удинезе	86	(57)
1998—2001	Милан	91	(38)
2001—2002	Монако	18	(5)
2002—2003	Кьево	26	(7)
1986—2003	Барлығы	443	(188)

Сілтемелер

• Құрама сапындағы статистикасы