Объектив лат objeсtus нәрсе нысанның төңкерілген шын кескінін қалыптастыратын дербес оптикалық жүйе Бұл кескін не окуляр

Объектив (лат. objeсtus – нәрсе) – нысанның төңкерілген шын кескінін қалыптастыратын дербес оптикалық жүйе. Бұл кескін не окулярмен қаралады, не фотография жарық сезгіш қабаттың, телевизия түтік немесе электрондық оптикалық түрлендіргіш фотокатодының, күңгірт шынының не экранның жазық бетінде алынады (қисық бет сирек пайдаланылады). Объективтің маңызды сипаттамалары: нысанның объективтен белгілі бір қашықтау кезінде объективтің оптикалық үлкейтуін анықтайтын фокусаралық қашықтық; объективтің ену қарашығының диаметрі; салыстырмалы саңылауы және ол арқылы айқындалатын объективтің жарық күші; объективтің көру өрісі. Объектив қалыптастыратын кескіннің сапасы объективтің ажыратқыштық шамасымен, контрастыны беру коэффициентімен, жарықты интегр. және спектр. өткізу коэффициенттерімен, объективтегі жарықтың шашырау коэффициентімен, кескін өрісі бойынша жарықталынудың түсуімен сипатталады. Құрастырылуы жағынан объектив үш класқа: линзалы (диоптрик. рефракторлар), айналы (катоптрик. рефлекторлар), айналы-линзалы (катодиоптрик.) болып бөлінеді. Қызметі бойынша: кішірейтілген кескін беретін көру түтіктері мен телескоптардың объективтері; үлкейтілген кескін беретін микроскоптардың объективтері; құралымы мен қолданылу тәсіліне байланысты кішірейтілген немесе үлкейтілген кескін беретін фотогр. және проекц. объективтер деп бөлінеді. объективтердің ерекше топтарына фотообъективтерге көбірек жақын келетін спектрлік аспаптар, лазермен пайдалануға арналған объективтер жатады.

1:2,8/50 Macro — 1:4-5.6/70-300 — 1:4-5.6/10-20

Сілтемелер

Дереккөздер

Қазақ Энциклопедиясы, 7 том, 4 бөлім

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қазақ Энциклопедиясы, 7 том, 4 бөлім