Нәпсіқұмарлық сипатындағы күш қолдану

Нәпсіқұмарлық сипатындағы күш колдану:

1. Еркек пен еркектің жыныстық

қатынасы, әйел мен әйелдің жыныстық қатынасы немесе жәбірленушіге немесе басқа адамдарға күш қолданып немесе оны қолданбақшы болып не жәбірленушінің дәрменсіз күйін пайдаланып жасалған нәпсі құмарлық сипаттағы өзге де әрекеттер, — үш жылдан алты жылға дейінгі мерзімге бас бостандығынан айыруға жазаланады.

2. Дәл сол әрекеттерді:

• а) адамдар тобы, алдын ала сөз байласып адамдар тобы немесе ұйымдасқан топ жасаса;
• б) өлтіремін деп коркытумен ұштасқан, сондай-ақ жәбірленушіге немесе басқа адамдарға қатысты аса қатыгездікпен жасаса;
• в) жәбірленушінің соз ауруын жұқтырып алуына әкеп соқса;
• г) бірнеше рет жасалған немесе бұрын зорлау жасаған адам жасаса;
• д) кәмелетке толмағаны көрінеу адамға қатысты жасаса, — төрт жылдан он жылға дейінгі мерзімге бас бостандығынан айыруға жазаланады.

3. Осы баптың бірінші немесе екінші бөліктерінде көзделген әрекеттер, егер олар:

• а) абайсызда жәбірленушінің өлуіне әкеп соқса;
• б) абайсызда жәбірленушінің денсаулығына ауыр зиян келтіруіне, оның ВИЧ/ЖҚТБ-ны жұқтырып алуына немесе өзге ауыр зардаптарға әкеп соқса;
• в) кінәліге он төрт жаска толмағаны көрінеу адамға қатысты жасалса, - жеті жылдан он бес жылға дейінгі мерзімге бас бостандығынан айыруға жазаланады.

Дереккөздер

1. Орысша-қазақша заңдық түсіндірме сөздік-анықтамалық. — Алматы: «Жеті жарғы» баспасы, 2008 жыл. ISBN 9965-11-274-6