Наталья Артемовна Коржова 1958 жыл 8 сәуір Талдықорған облысы Сарқан қаласы Қазақстан мемлекеттік қайраткері Украин Экон

Наталья Артемовна Коржова (1958 жыл 8 сәуір Талдықорған облысы Сарқан қаласы) - Қазақстан мемлекеттік қайраткері. Украин. Экономика ғылымдарының кандидаты (1990), докторы (2000).

Әкесі - Полийчук Артем Сидорович, мемлекеттік қызметкер болған. Анасы - Полийчук Нина Петровна, дәрігер.
Докторлық диссертациясының тақырыбы: «Өтпелі экономикасы бар елдердегі мемлекеттік зейнетақылық сақтандыру реформалары» (Мәскеу қ., 2000) 10 монографиялар (1995-2000), сонымен қоса, кәсіби тақырыпқа арналған 10-нан аса мақалалардың авторы.

Қысқаша өмірбаяны

Алматы Халық шаруашылығы институтының экономикалық факультетін бітірген (1979), экономист бітірген.
Институтты бітіргеннен кейін мамандығы бойынша Қаржы министрлігінде жұмыс істеп, экономистен департамент бастығына дейінгі жолдан өтті.
1996—99 жж. Қазақстан Республикасы Еңбек және халықты әлеуметтік қорғау министрі.
1999 ж. Қаржы вице-министрі, Экономика және бюджеттік жоспарлау бірінші вице-министрі болып тағайындалған.
2006 ж. қаңтар айынан бастап Қазақстан Республикасы Қаржы министрi.
2007 ж. қарашаның 13-інен қызметінен босатылды.
4 мамыр 2008 жылдан Қазақстан Қаржы министрлігінің жауапты хатшысы.

Жеке деректер

Қазақстан Республикасы Президенті жанындағы адам құқығы жөніндегі комиссия мүшесі.
Қазақстан Республикасы әйелдер футболы және мини-футболы федерациясының президенті.
Отбасылы, ұлы бар.

Дереккөздер

Қазақстан бизнес - кітабы. Қаржы. – Алматы, ЖШС “Алматы баспа үйі,” 2006 ISBN 9965-9865-5-X
Қазақстан Республикасында кімнің кім екені – 2011. 2 томдық анықтамалық. Алматы, 2011. ISBN 978-601-278-473-2

[1] Қазақстан бизнес - кітабы. Қаржы. – Алматы, ЖШС “Алматы баспа үйі,” 2006 ISBN 9965-9865-5-X

[2] Қазақстан Республикасында кімнің кім екені – 2011. 2 томдық анықтамалық. Алматы, 2011. ISBN 978-601-278-473-2