Мұрат Абдуламитұлы Әбенов

Мұрат Абдуламитұлы Әбенов (20 тамыз 1965 жыл, Қызылорда облысы) — қазақстандық мемлекеттік және қоғам қайраткері, Қазақстан Мәжілісі IV және VIII сайланымдарының депутаты.

Мұрат Абдуламитұлы Әбенов
Әбенов, 2023 жыл
Лауазымы
Ту Қазақстан Мәжілісі VIII шақырылымының депутаты Ту
29 наурыз 2023 жылдан бері
Ту Қазақстан Мәжілісі IV шақырылымының депутаты Ту
2007 — 2011
Ту Қызылорда облысы әкімі аппаратының 5-басшысы
ақпан — тамыз 2007
Әкімі	Мұхтар Құл-Мұхаммед
Ту Қызылорда облысы (әкімінің) орынбасары
2005 — 2007
Әкімі	Икрам Адырбеков
Өмірбаяны
Білімі	Абай атындағы қазақ педагогикалық институты (1990) Қазақ гуманитарлық заң университеті (2002)
Мамандығы	Математика және информатика пәндерінің мұғалімі (1990) заңгер (2002)
Дүниеге келуі	20 тамыз 1965 (1965-08-20) (59 жас) Төменарық ауылы, Жаңақорған ауданы, Қызылорда облысы, Қазақ КСР, КСРО
Жұбайы	үйленген
Балалары	ұлы Асқар және қызы Гүлнар
Сайты	abenov.com
Қызмет еткен жылдары	1984–1986
Әскер түрі
Марапаттары
Мұрат Абдуламитұлы Әбенов Ортаққорда
өңдеу

Білімі

Абай атындағы қазақ педагогикалық институтының математика және информатика факультетінің (1990) "Математика және информатика" пәндерінің мұғалімі мамандығын бітірген.

Қазақ гуманитарлық-заң университетінің құқықтану факультетін (2002) заңгер мамандығы бойынша бітірген.

Өмірбаяны

Түркітілдес Уикимедиашылар конференциясындағы Әбенов, 2012 жыл

Саясатқа дейін

Найман тайпасының Балталы руынан шыққан.^{[дереккөзі?]}

1990 жылдан Сәкен Сейфуллин атындағы №4 ОМ информатика және есептеу техникасының мұғалімі.

1991 жылғы маусымнан Қызылорда қалалық білім басқармасының кадрлар және негізгі іс-әрекет бойынша инспекторы.

1991 жылғы қыркүйектен 1 Мамыр атындағы №1 қазақ мектеп-лицейінің оқу-тәрбиелік іс бойынша директордың орынбасары (Қызылорда қаласы).

Қызылорда әкімдігіндегі қызметі

1992 жылдан ол — Қызылорда қалалық әкімшілігінің қоғамдық пікірді болжау және баспасөз бөлімінің бас маманы.

1993 жылдан «Атамекен» ЖШС-де коммерциялық іс-әрекет бойынша директордың орынбасары (Алматы қаласы).

1999 жылдан Қызылорда облысы әкімі аппаратының ұйымдастырушылық-бақылау бөлімінің кеңес берушісі.

2000 жылдан Қызылорда облысының мемлекеттік қызмет істері бойынша басқарма агенттігінің бастығы.

2002 жылдан Қызылорда облысы ішкі істер департаментінің директоры.

2005 жылдан Қызылорда облысы әкімінің орынбасары.

2007 жылғы ақпаннан тамызға дейін (Қызылорда облысы әкімі) аппаратының жетекшісі.

Мәжілістегі бірінші депутаттығы (2007–2012)

2007 жылғы қыркүйектен бастап 2012 жылға дейін ҚР Парламенті Мәжілісі IV шақырылымының «Нұр Отан» ХДП тізімі бойынша депутаты, ҚР Парламенті Мәжілісінде «Нұр Отан» ХДП фракциясының Азаматтық байланыстар және азаматтық қоғам институттары бойынша кеңесінің мүшесі. Экономикалық реформа және өңірлік даму комитетінің хатшысы. «Қазақтелеком» АҚ Құрмет грамотасымен марапатталған (2004). Жылдың үздік қызметкері (2006).

Депутаттығынан кейін (2012–2022)

Нұрлан Нығматулинның Әбеновті Журналистерге арналған Парламент сыйлығын табыстауы, 22 маусым 2021 жыл

2012 жылғы 12 қарашадан бастап Қазақстан Республикасының Білім және Ғылым вице-министрі.

2014 жылдан бастап 24.kz телеарнасында «Мұрат Әбеновпен ашық әңгіме» атты авторлық бағдарламасын ашты.

Мәжілістегі екінші депутаттығы (2023–)

2023 жылы өткен парламент сайлауы нәтижесінде Аманат партиясы тізімінен Мәжіліс VIII шақырылымының депутаты болып сайланды.

Жеке өмірі

Мұрат Әбенов үйленген. Оның бір ұлы Асқар және бір қызы Гүлнар бар.

Дереккөздер

1. Қазақстан Республикасында кімнің кім екені — 2011. — ISBN 978-601-278-473-2.
2. «Мұрат Әбеновпен ашық әңгіме»  (қаз.). 24.kz.
3. 2023 жылы сайланған Мәжіліс депутаттарының толық тізімі  (қаз.). informburo (28 наурыз 2023). Тексерілді, 18 мамыр 2023.

Сілтемелер

• Мұрат Әбеновтың жеке уэбсайты Мұрағатталған 14 шілденің 2014 жылы.;
• Мұрат Әбеновтың Twitter парақшасы;
• Мұрат Әбеновтың Facebook парақшасы;
• Vk.com Мұрағатталған 27 қыркүйектің 2014 жылы. әлеуметтік желісіндегі аккаунты;
• Instagram әлеуметтік желісіндегі аккаунты;
• Youtube сайтындағы ресми видеоканалы;