Мағауия Сұлтанияұлы

Мағауия Сұлтанияұлы

Мағауия Сұлтанияұлы (1921 ж.туған, Моңғолия, Баян Өлгий аймағы, Бұлғын ауданы) — жазушы, аудармашы, журналист. Моңғолия мәдениетінің еңбек сіңірген қайраткері (1996). жанындағы Жоғары партия мектебін бітірген (1969). 1945 — 83 ж. Баян аймағында ауыл мектептерінде мұғалім, “Жаңа өмір” газетінде және аймақтық баспа редакциясында редактор болып қызмет еткен. “Ешкімге айтпа” атты алғашқы кітабы 1972 ж. жарық көрді. Оның

• “Отан ұлдары”
• “Өмір өрнегі”
• “Мамық”
• “Менің ұстаздарым”
• “өрпақ тағдыры”
• “Сүмбіле”
• “Ақ бата” т.б. шығармаларының тілі шұрайлы, тарихи-этнография деректерге бай.

Ал өлеңмен жазылған “Шыңғыс хан” (2000) романына Шыңғыс ханның қазақ тарихына қатысты қырлары өзек болған. Ол моңғолдың көне тарихына қатысты “Моңғолдың құпия шежіресі”, “Шыңғыстың қос тұлпары”, “Бұйым батыр”, “Жәңгір” секілді мұраларды қазақ тіліне тәржімалады. Оның көптеген туындылары моңғол тілінде жарық көрді. Моңғолияның Еңбек , Алтын жұлдыз ордендерімен марапатталған.

Дереккөздер

• Қазақ энциклопедиясы