Марат Лұқпанұлы Тоқжанов Бәйтерек ауданының әкімі 1965 жылы 29 сәуірде Орал облысы Теректі ауданының Шағатай ауылында ту

Марат Лұқпанұлы Тоқжанов - Бәйтерек ауданының әкімі. 1965 жылы 29 сәуірде Орал облысы Теректі ауданының Шағатай ауылында туған. Қазақ. Анасы - Тоқжанова Қалила, зейнеткер. Қарағанды мемлекеттік университетінің тарих факультетін (1990) тарихшы мамандығы бойынша; Қазақ мемлекеттік заң академиясының заң факультетін (2000) заңгер мамандығы бойынша бітірген. Қазақ, орыс және ағылшын (сөздікпен) тілдерін біледі. «Нұр Отан» ХДП мүшесі.

1990 жылдан - Жезқазған облысы Сәтбаев қаласындағы мектеп-интернаттың тарих мұғалімі; Сәтбаев қалалық комсомол комитетінің екінші хатшысы.
1991 жылдан – саяси тарих кафедрасының ассистенті.
1994 жылдан - Ә. Марғұлан атындағы Археология институтының аға ғылыми қызметкері (Алматы қаласы).
1999 жылдан - бас маманы, бөлім бастығы.
2000 жылдан - Мемлекеттік материалдық резервтер комитетінің мемлекеттік құпияларды қорғау және кадрлар жөніндегі бөлімінің бастығы.
2003 жылдан - Қазақстан Республикасы Әділет министрлігі Ішкі әкімшілік департаменті бақылау бөлімінің бастығы (Алматы қаласы).
2004 жылдан – Қарағанды облыстық Әділет департаменті Теміртау қалалық Әділет басқармасының бастығы.
2007 жылдан - Орал қаласы әкімінің орынбасары.
2008 жылдан - БҚО Шыңғырлау ауданының әкімі.
2010 жылдың мамырынан бері - Батыс Қазақстан облысы Білім беру басқармасының бастығы. «Қазақстан Парламентіне 10 жыл» медалімен марапатталған (2006).

Үйленген. Жұбайы - Ысқақова Құралай Амангелдіқызы, үй шаруасымен айналысады. Қызы - Тоқжанова Айымжан, оқушы; ұлдары - Тоқжанов Әдихан, Тоқжанов Әлижан.

Дереккөздер

Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2

Бұл — тұлға туралы мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді ауыстыру қажет.

[1] Қазақстан Республикасында кімнің кім екені . Екі томдық анықтамалық. Алматы, 2011 жыл. ISBN 978-601-278-473-2