Келінжан

"Келінжан" — 2018-2023 жылдары аралығында "Хабар" телеарнасының тапсырысымен "" түсірген Қазақстандық танымал отбасылық сериал әрі аттас фильмі. Сериал Күлімхан апаның үш ұлы мен олардың келіндері туралы. Сериалда қазақ ауылының қарапайым бір отбасындағы Күлімхан апаның әулетіндегі қарым-қатынас оқиғалары көрсетіледі. 2023 жылы 5-маусымы жарыққа шықты.

Келінжан
Жанры	отбасылық фильм
Идея авторы
Өндіріс	GG Cinema Production
Рөлдерде	Сара Амангелді, Дариға Бадықова, Лейло Бекназар-Ханинга, Нұргүл Мыңғатова, Дәулет Өсербай, , Назар Сұлтанбаев
Композиторы
Мемлекет	Қазақстан
Тілі	қазақша
Маусымдар саны	5
Сериялар саны	121
Өндіріс
Атқарушы продюсері	Гүлнұр Мамасарипова
Режиссёрі	Ернар Нұрғалиев
Сценарист	Гүлнұр Мамасарипова, Бегзат Жұмажан
Түсірілім орны	1-маусымы - Алматы облысы Бақбақты ауылы 2,3,4-маусымдары Жамбыл облысы Аққайнар ауылы
Хабар тарату
Телеарна
Таратылым кезеңі	14 қаңтар, 2019 — 6 қазан, 2023
Хронология
Байланысы бар шоу	Келінжан, Келінжан-2 фильмдері
өңдеу

Режиссёрі – Ернар Нұрғалиев.

Телехикаяның 1-маусымы - Алматы облысы Бақбақты ауылында, 2-5-маусымдары және "Келінжан -1", "Келінжан -2" фильмдері Алматы облысы "Аққайнар" ауылында түсірілген.

Актёрлер

Продюсерлері – , Гүлбаршын Заирова

Оператор – Шерхан Таңсықбаев

Сценаристері – Гүлнұр Мамасарипова, Бегзат Жұмажан

Композиторы –

Актерлер	Рөлі
Сара Амангелді	Асылым
	Айсара
Лейло Бекназар-Ханинга	Күлімхан апа
Нұргүл Мыңғатова	Балқия
Дәулет Өсербай	Асқар
	Қылышбек
Назар Сұлтанбаев	Мәдібек

Басты кейіпкерлері

Күлімхан апа - 3 ұлдың, 1 қыздың анасы. Жұбайы - Темірбек, қайтыс болған, анда-санда ауылдың шетіндегі бейітінің басына барып сырласып тұрады. Үйдің көп мәселелерін шешеді.

Қылышбек - Күлімханның үлкен ұлы, интелектуал, мектепте қазақ тілі мен әдебиеті пәнінен мұғалімі , әйелі Айсараның ықпалымен мектепте директор болған, уақытша әкім болып та көрген.

Айсара - Қылышбектың әйелі, Күлімхан апаның үлкен келіні, Қылышбекпен кітапханада танысқан, адуындылау мінезді.

Мәдібек - Күлімханның ортаңғы ұлы, басқа ұлдарына қарағанда пысығырақ, шаруаға бейімді, 3 маусымда ауылда өз дүкені болады.

Балқия - Мәдібектің әйелі, ашық мінезді, жайсаң. Мәдібек оны досына алып қашпақшы болғанда Мәдібек үйіне аяқ асты келін қылып әкеледі.

Асқар - Күлімханның кіші ұлы, спортшы, жекпе-жекпен айналысады, кейінгі маусымдарда ауылда балаларды жекпе-жекке дайындайды.

Асылым - Асқардың әйелі, Күлімханның кіші келіні.

Маусымдары

Маусымдар		Бөлімдері	Хабар тарату кезеңі
	1	1—25	14.01.2019 — 15.02.2019
	2	1-15	05.10.2020 — 23.10.2020
	3	1-15	06.09.2021 — 17.09.2021
	4	1-40	05.09.2022-28.10.2022
	5	1-25	04.09.2023-06.10.2023

1-маусымының сюжеті

серияның №	Шыққан уақыты	Сериалдың сипаттамасы
1 серия	2019/01/14	Күлімхан апаның кенже ұлы үйіне келін әкеледі. Қалада туып-өскен қыз ауыл өмірінен мүлдем бейхабар. Оның үстіне тік мінезді әрі ерке қыз үйдегілердің тілін қалай табам деп әбігерге түседі. Ал жары Асқар біраз уайымдап, апасына: «Мен үшін келініңізге жұмсақтау болыңызшы», – деп өтініш білдіреді.
2 серия	2019/01/15	Асқар Асылымға бір айдан кейін қайтып алып кетем деп уәде беріп, жарысқа аттанады. Асылым оны қимастықпен шығарып салады. Сөйтіп жас келіннің күнделікті үй тіршілігіндегі міндеті артады. Сиыр сауа алмай, әуре-сарсанға түседі. Екі абысыны шаруадан қашып, көршісі Зияданың үйіне кетіп қалады. Әр істеген ісін аңдыған енесі Асылымды жақтыртпай жүреді.[1]
3 серия	2019/01/16	Үйдегілерден тек жолдасы мен көршісі Қасым ата ғана оны үнемі қолдап жүреді. Атаның жылы қабақ танытатын себебі Асылым оның қайтыс болған бірінші әйеліне ұқсайды. Жас келін барлығын дұрыс жасауға тырысады: сиыр сауып, ерте тұруды, дәмді тамақ жасап, есік алдын тазалауды. Бірақ қолынан келмейді. Осы оның көңіліне қаяу түсіреді. Үлкен ұлы Қылышбек жұмысынан берілетін үйден үмітті екенін білмеген Күлімхан апаның көңілі түсіп, есінен танып қалады. Еншісін алып, бөлек кету Айсараның арманы еді.
4 серия	2019/01/17	Айсараның баяғы әдеті сол отқа май құйып, Қылышбектің де біраз мазасын алады. Күйбең тіршіліктен әбден күйген Айсара енесінің жатып қалғанын тіптен елер емес. Бұл жолы Асылым енесіне ботқа дайындап, үдесінен шығуға тырысады. Бірақ енесі сол қалпы қабағын ашар емес. Күлімхан апаның көңілі босап, қаладан келген ұлы Мәдошқа ішіндегі мұңын ақтарады. Мәдөштің қаны қайнап, Айсараға атылады. Ал Айсара өз рөліне еніп, анасының ауырып қалғанына «ешқандай кінәм жоқ» деп ағынан жарылып, ақталады.
5 сериал	2019/01/18	Айсара мен Қылышбек қателіктерін түсінгендей болып Күлімхан ападан кешірім сұрауға келеді. Бірақ апаның көңілі жібитін емес. Асылым талдың басына шығып, «байланыс желісін ұстаймын» деп құлап түседі. Оны көріп қалған көршісі Қасым ата үйге дереу жеткізеді. Бұл жолы апамыз Асылымға қамқорлық жасап, жанашырлық танытады. Қыздарын уайымдаған Асылымның ата-анасы ауылға бірден жетіп келеді.
6 серия	2019/01/21	Асылымның ата-анасы келіп, көңілі жайына түскендей болады. Екі абысын Асылымды көре алмай, енесінің оған деген қарым-қатынасының жақсарып келе жатқандығына қызғанышпен қарайды. Бейтаныс әйел баласымен «Асқардың көрші ауылдағы келіншегімін» дегенді естіген Асылым төбесінен жай түскендей күй кешеді. Сөйтіп ол Айша есімді өзінің туған қайын сіңлісі болып шығады. Әзілге жақын қайын сіңлісінің қалжыңын түсінбей қалған Асылым ренжіген кейіп танытады.
7 серия	2019/01/22	Қылышбек күйіктен ішіп, біраз ішін босатып алмақшы болады. Өзін бір сәт те болса патшадай сезінгісі келген ол есін білмей, Айсараның бетінен шапалақпен тартып жібереді. Оған қатты ызаланған және үй тірлігінен әбден мезі болған Айсара сөмкесін арқалап кетіп қалады. Күлімхан апа біраз өсиетін айтып, Қылышбекті жұбатумен болады.
8 серия	2019/01/23	Күлімхан апа жайсыз түс көріп, мазасызданады. Айсараның кетіп қалғанына көңілі құлазиды. Қылышбекке ол: «Өзің кәнілісің, әйеліңді алып кел», – деп бұйрық береді. Ал Мәдөштің көңілі дәрігер Валяға түсіп жүрген сияқты. Соған алған иіс суын Балқия тауып алады. Бірақ Мәдөш «оны саған алдым» деп оңай құтылып кетеді. Валяны көргісі келген Мәдөш Асылымның жарақаттанған қолын себеп қылып, ауданға аттануды ұйғарады.
9 серия	2019/01/24	«Айсара баламды көруге құқығым бар шығар» деп желеулетіп қайтып келеді. Асқармен хабарласқан Асылым оның жақын арада келмейтінін естіп, көңілі түсіп кетеді. Күн санап отқан ол 10 күннен кейін қалаға қайтам деп отқан еді. Қылышбек пен Айсара татуласады. Ал Күлімхан апа төркініне тойға аттанады. Оны естіген абысындардың қуанышында шек болмайды.
10 серия	2019/01/25	Ауылдың өсегінен құр қалған Айсара көршісі Зияданның үйіне барады. Ол өзінің қалай қайтып келгенін басқаша баяндап, Зияданға өтірік-шыны аралас қылып жеткізеді. Асқар Асылымға енді бір айдан соң бір-ақ келетінін айтты. Асылым оған ренжіп, келмей-ақ қоюын өтініп, «мені ауылдан таппайсың» деп жазып жібереді. Қылышбектің үй мәселесі шешіледі. Әкім жаңа баспана беретін болды. Айсараның төбесі көкке жетеді. Балқия Мәдібекке бөтен бір әйелден келген хабарламаны оқып қояды.
11 серия	2019/01/28	Асылым Асқардың айтқан уақытында келмейтіндігін түсініп, ауылдан кетуге бел буады. Ал Балқия күйеуінің көңілдесі барын біліп, әлі де өз-өзіне келе алар емес. Жол-жөнекей есінен танып қалған Асылым аяғы ауыр екенін біліп, қайтып ауылға оралады. Күлімхан апа Асылымның аяғы ауыр екенін естіп, іштей қатты қуанады.
12 серия	2019/01/29	Айсараның көршісі Зияданға үй туралы жаңалығын айтып қойғанына Қылышбек ызаланады. Бірақ өзі Күлімхан апаға айтпақ болып әңгіменің басын қайырады. Айсара күйеуінің ынжықтығынан мезі болып, іске өзі кіріспек болады. Балқия қан қысымын өлшеуге Валяға келеді. Күйеуіне бейтаныс әйелден келген хабарламаны көріп қойғанын жеткізеді. Мұны естіген Валяның түрі бұзылып кетеді. Балқия Мәдібекке көңілдесі бар екендігін білетінін жайып салады.
13 серия	2019/01/30	Айсара әкімнің үйіне үй алу кезегі жақындасын деген ниетпен кішігірім сый-сияпатын беріп келеді. Оны естіген Қылышбек қатты ашуланады. Күлімхан апа олардың бөлек кетулеріне қарсы еместігін айтып, Айсараға ұлын қорлайтын сөздерді айтуды доғаруын сұрайды. Асылымды енесі демалып келсін деп төркініне аттандырады.
14 серия	2019/01/31	Балқия Мәдібек туралы досы Нартайдан сұрай бастайды, бірақ ешқандай өзіне қажетті жауап ала алмайды. Күлімхан апа бір сәт өткенге оралып, балаларының кішкентай кездегі қылықтары мен айтқан сөздерін көзіне жас алып, еске алады. Балқия ішіндегі мұңымен бөлісу үшін Валяға келіп, көңілдесін не болмаса Мәдібекті өлтіргісі келетінін, бірақ ондай қадамға бара алмайтынын жеткізеді. Күлімхан апа Балқияның көңілсіз екенін сезіп қояды. Өз баласының жат қылығын білген ол Балқияны жұбатумен болады. Үйіне келген Мәдібекті таяқпен сұрақтың астына алады. Ал Қасым ата баласына қара шаңырақты сатпауын аманат етеді. Аудан әкімі Қылышбектің несиесі бар екенін айтып, баспанадан үміттерін үзуге тура келетіндігін жеткізеді.
15 серия	2019/02/04	Күлімхан апа Асқардың тойына ақша жетпегендіктен несие алғандарын Айсараға түсіндіріп айтады. Бірақ Айсараның реніші басылар емес. Күлімхан апа Мәдібекті есін жисын деп әуре-сарсанға түседі.
16 серия	2019/02/05	Күлімхан апа баласы Мәдібек туралы мән-жайды білгісі келіп, балгерге келеді. Балгердің айтуынша, баласы дуаланған. «Үйден үміттеріңді үзе беріңдер, бастарыңда несие бар» деген ауыл әкімінің сөзінен кейін Айсараның тіпті көшеге шығуға беті болмай, «енесі үй алып беріп, бөлек шығаратын болды» деп Зияданға жаңа өсек таратады. Осы өсекті желеулетіп, Қылышбекке анасы екеуі жаңа үй алып беруін талап етеді. Күлімхан апа Валяға келіп, оның баласы Мәдібекпен көңілдес болып жүргенін бетіне басып айтып тастайды. Ауылдан біржолата кетуін бұйырады.
17 серия	2019/02/06	Қасым ата қатты сырқаттанып қалады. Валяның ауылдан көшетінін естіген Балқия бірден құрбысының үйіне тартады. Валя жақсы дос бола алмағаны үшін кешірім сұрайды. Валя үйін сатуға қояды.
18 серия	2019/02/07	Асылым төркінінен құрбысы Заринамен бірге оралады. Ауылдың тыныс-тіршілігін көріп, ол қалаға қашып кетеді. Балқия «Келіндер» бәйгесіне дайындалып жүр.
20 серия	2019/02/08	Балқияға ғашық болған жігіт Мәдібектің қызғанышын оятады. Сөйтіп Мәдөш қызғаныштан жаға жыртысып қалады. Оны естіген Балқия байқаудан да бас тартып, Мәдібекке қарай бет алады. Мәдібек келіншегінің қадірін түсінгендей болып, өз кінәсін мойындап, Балқиядан кешірім сұрайды. Мәдөш жүрегінің кілтін қайта ұсынып, адал болуға ант етеді.
21 серия	2019/02/11	Күлімхан апаның қызы Айша күйеуімен ренжісіп қалып, төркініне келеді. Зиядан Нартайды ішімдіктен біржолата арылту үшін балгерге апарады. Аудан әкімі Мәдібекке келіп: «Бригадир бола аласың» деп құрғақ уәдемен үміттендіріп кетеді.
22 серия	2019/02/12	Мәдібек Қылышбек несиесін жауып, үйлі болсын деген ниетпен машинасын сатып, бар ақшаны Айсараға табыстайды. Оның қуанышында шек болмай, дереу несиесін жабуға қамданады. Ал Мәдібек аудан әкімінің уәдесінен үміттеніп, Күлімхан апаға ауданға қоныс аударатындарын айтады. Ал Асылым болса, Асқар жақында келсе, қалаға қайтатынын айтқанда Күлімхан апа аң-таң күй кешеді. Күйеуінің ішімдікке салынғанына ығыр болған Зиядан ажырасуға бел буады. Қасым ата қаладағы баласының қолына көшетін болды. Айсара мен Балқия бәсекелесуді доғарар емес. Айша анасының батасын алып, өз үйіне кетеді.
23 серия	2019/02/13	Айсара баяғы әдетіне салып, Қылышбекті қайрайды. Бөлек кетуге жеделдетуін сұрайды. Оның үстіне отқа май құйып, Асылымға Балқияны жамандайды. Балқия мен Айсара бір-бірін аңдумен болады. Айсара әкімге Мәдібектің атынан хабарлама жіберіп, бәрін бүлдірмек болады. Ауылға Мейрамбек Бесбаев келеді. Кезінде бірге оқыған Нартайды қалаға шақырып, топ құру туралы баяғы арманын жүзеге асыруға әлі де кеш емес екенін алға тартады. Ол екеуін көшеде көріп қалған Айсара дереу жан-жаққа өсек таратады. Зияданның да ішін күйдіреді.
24 серия	2019/02/14	Айсара мен Балқия іштарлықтан ағасы мен інісін араздастырып қояды. Алды-артына қарамай, тайып тұрған Зиядан үйіне оралады. Нартайды «адам қыламын» деп бар ынтасын төгуге тырысады. Асқар да тосын сый жасап, ауылға келіп қалады. АҚШ-тан біраз базарлық әкеп, үй ішін қуантады. Айсара мен Балқияның реніштері тарап, баяғыдай шүйіркелесе бастайды.
25 серия	2019/02/15	Ауыл әкімі келіп, жағымды жаңалықтарымен қуантады. Атап айтқанда, бригадирлік қызметке Мәдібектің тағайындалғанын және Қылышбекке білім саласындағы еңбегі үшін 5 бөлмелі пәтер берілетіндігін жеткізеді. Күлімхан апа келіп, бәрі мәз-мейрам болады. Асылым қалаға қайтпайтын болып, апаның қасында қалатын болады. Оны естіген енесі іштей қуанышқа бөленеді.

2-маусымының сюжеті

серияның №	Шықққан уақыты	Сериалдың сипаттамасы
1 серия	2020/10/05	«Келінжан 2» телехикаясының алғашқы бөлімі Асқар мен Асылымның сәбилі болып ауылға оралуымен басталады. Кіші келінді қара шаңырақтың анасы, яғни енесі жылы қарсы алады. Ағалы-інілі Қылышбек пен Мәдібек, абысынды Айсара мен Балқияның өмірі де бәз-баяғы күнделікті күйбең тіршіліктің қызығы мен шыжығына толы.
2 серия	2020/10/06	Асқардың жарысқа бір аптаға кететінін естіген Асылым оған қатты ренжулі. «Әке атанғаны кеше, мұнысы қалай?» деп түсінбейді. Ал қаладан келген Зияда Айсараның үйіне қонақтатып, қаладағы өмірін, Нартайдың мансабын айтуда. Бірақ Айсараның көңілі басқада. Қылышбек директорлыққа тағайындалды ма, жоқ па біле алмай жүр.
3 серия	2020/10/07	Асылым баланы бесікке бөлеуге қарсылық білдіріп еді, Күлімхан апа бірден ренжіп қалды. Бірақ Қасым ата кенже келінге өз ақылын айтып, оның еш зияны жоқ екенін түсіндіруге тырысты. Ауданда тұрып жатқан Мәдібек бақытсыз болып жүрген сыңайлы. Оның үстіне бригадирлік орны да көңілінен шықпай жүр. Ал Айсараның бар ойы – мектептің жаңа директоры. Түсінде Қылышбектің кетіп қалғанын көріп, бірден «сонникке» жүгірді.
4 серия	2020/10/08	Мәдөш Валямен кездесіп, Балқияға әлі ештеңе айтпағанын, оныменен енді кездеспеуін өтінді. Мәдібектің бұл шешімі дұрыс па? Ал ақ киімді әйелдің келгенін естіген Күлімхан апаның үстінен жай түскендей болды. Бар шындықты келініне айтар ма екен? Ал Айсара Қылыштың өзін кінәлі сезініп, Мәдөшке ақшалай көмек көрсеткісі келетінін естіп, бар ашуын Балқияға шығарып алды.
5 сериал	2020/10/09	Өтіріктің құйрығы бір-ақ тұтам. Барлығы жасыруға тырысқан Мәдібектің сатқындығын Балқия біліп қойды. Енді ажырасамын деп байбалам салуда. Мұны естіген Айсара абысынының мұңын бүкіл ауылға жайды. Телехикая әрі қарай қалай өрбімек? Балқия күйеуінің бұл опасыздығын ұмыта алар ма екен?
6 серия	2020/10/12	«Өсекші мен өтірікші – егіз» деп бекер айтпаған-ды. Үйдегі бар оқиғаны сыртқа тасыған Айсараның бұл әрекеті әшкереленіп еді: «Мен емеспін», – деп басын ала қашуда. Ал Балқияның жағдайы бәрінің жанына батуда. «Кетіп қалып, қайтып келгенше, бүгін босағаңда ойыңды жинақта», – деп өзін қоярға жер таппай жүрген Күлімхан апа да бар көрегендігін білдіріп, келініне ақылын айтуда.
7 серия	2020/10/13	Айсара қызғаныш сезімін жасыра алмай, Ақмарал Нәлібайқызына бар ойын айтып тастады. Ендігі Қылыштың әрекеті қандай болмақ? «Асқар балалардан ақша жинайды» деп директорға шағым түскен болатын. Бұл қауесетті таратқан кім? Ал Мәдібек ащы суын ішіп алып, аузына келгенін айтып, онсыз да ренжіп жүрген Балқияны жылатты. Мәдөшті кешіре алар ма екен?
8 серия	2020/10/14	«Ішіп алған адам шындықты айтады». Сіз Балқияның осы айтқанына келісесіз бе? Айсара Қылышбекті неге мектепке іздеп бара береді екен? Асылым тағы қолын сындырып алды. Енді баласын кім қарар екен? Сәбит тағы таяқ жеді. Асқар одан кешірім сұрап барғанымен, көршісін тағы соққының астына алды. Бұл жолы кім кінәлі? Айсараға енесі күшті арықтаудың жолын ұсынды. Үлкен келін бұл диетаны ұстаса игі.
9 серия	2020/10/15	Жақсы әйел жаман еркекті ер қылады, Жаман әйел жақсы еркекті ез қылады. Айша енесімен сөзге келісіп қалып, төркініне келіп қалған еді. Бірақ анасы Күлімхан бұл ісін құптамады. Ал кенже келін қайтадан қолын сындырып алды. Енді Асылымға тағы екі апта гипспен жүруге тура келеді. Оны естіген анасы қаладан бірден жетіп келіп, қызын қасына алып кетпекші.
10 серия	2020/10/16	Айсара Балқияны үйіне қайтару үшін арнайы ауданға барды. Абысыны сөзіне құлақ асып, ауылға оралады. Сондай-ақ бүгін Күлімхан апаның туған күні. Ұлдары тосынсый дайындап қояды. Келіндері табысады
11 серия	2020/10/19	Мәдібек пен Балқия татуласты. Асылым да қаладан бір дорба базарлығын ала келді. Келіндер қара шаңыраққа оралған соң, үйге береке кіргендей болды. Бірақ үлкен келін Айсараның қабағы бір ашылмай-ақ қойды
12 серия	2020/10/20	Бүгін ауылға құдайы қонақ келді. Есімі – Құдайберген. Күлімхан апаға айтар хабары бар. Бұл жаңалықты есту кімге болса да оңайға соқпасы анық.
13 серия	2020/10/21	Күлімхан апаға марқұм күйеуінің некесіз ұлы бар екенін білу оңайға соқпады. Жүрегі ауырып, жатып қалды. Ал бұл жаңалықты естіген Қылышбек пен Мәдібек, Асқар өзара ақылдасады.
14 серия	2020/10/22	Бүгінгі бөлімде Айсараның көптен күткен арманы орындалмақ. Мәдібек те Балқияны қуанту үшін тосынсый дайындап жүр. Ал Асқар мен Асылым қалаға көшетін болды. Бұл жаңалықты Күлімхан апа қалай қабылдады?
15 серия	2020/10/23	Қаладан Асқар мен Асылым келе жатыр. Ал Балқия айы-күні жетіп, босанғалы отыр. Құдайберді де қара шаңыраққа әйелін таныстыруға алып келмек. Келіндер жаңа абысынын қалай қарсы алар екен? Айсара қандай сүйінші хабарымен қуантпақ?

Қызықты деректер

• "Келінжан" телехикаясы Youtube-та және арна эфирінде жоғары рейтингке ие болған телехикая. «YouTube» видеохостингі арқылы телехикаяның алғашқы бөлімін он күннің ішінде 2 миллионнан астам көрермен тамашаласа, бүгінге дейін алғашқы маусымының барлық 25 бөлімі 50 миллионға жуық қаралым жинаған.
• Телехикаяның 2-маусымы қиын кезеңде, коронавирус пандемиясы өршіп тұрған уақытта түсірілген. Әрі сериал түсірген локацияның ауысуы пандемияға байланысты болды.

Фильмдері

"Келінжан" телехикаясының бірнеше маусымдар бойы танымал болғанына байланысты фильмді жасаушылар оның кинотеатрларда көрсететін толық метражды фильмін жасауды шешті. Фильм премьерасы 2022 жылдың желтоқсан айында кинотеатрлардан көрсетілді. 2022 жылы «Келінжан» туындысының толықметражды нұсқасы шетелдік прокатта да шықты.

Келінжан фильмінің сюжеті

Шықққан уақыты

Сипаттамасы

Қазақстанда 24 қараша 2022 жыл Қырғызстанда 4 мамыр 2023 жыл

Ағайынды үшеуі өздерінің жер учаскелері бар екенін біледі және оған сатып алушылар да табыла кетеді. Олардың әйелдерінің арасында жерді ерінің атына кім бірінші жаздырып алады екен деген даулы мәселе пайда болады. Күлімхан апаның үш ұлы да үйленгеннен кейін үйде шаруабикелер тым көп болып кетеді. Мінездері әр түрлі келіндер болмайтын нәрселерге бола жанжалдасып қалатыны бар, енді жер дауы пайда болғанда бұл мәселе одан сайын ушыға түседі. Даудың басы - Дайрабайдың көк сиыры демекші, ұлдардың әкелерінен қалған жерге иелік еткісі келетін келіндер арасында дау басталады. Алайда бұл жерді жас кәсіпкерлер де сатып алғысы келеді. Әйелдері күйеулерін жерге таласуға үгіттейді, кімнің бағы жанады екен? Оқиға басқаша сипатта өрбиді.

«Фильмді сәтті шықты деп айта аламыз. Қырғызстанның төрт қаласында Бішкек, Ош, Тоқмақ және Жалалабат қалаларының 15 кинотеатрында көрсетілді. Бұл – «Хабар» агенттігінің өз өнімін алғаш рет басқа тілде дубляж жасап, шетелге шығаруы», – деп мәлім етті «Хабар» телеарнасының директоры Ж. Жақсылықова.

2023 жылы 19-қазаннан бастап кинотеатрларда "Келінжан-2" фильмі прокатқа шықты.

Келінжан 2 фильмінің сюжеті

Шықққан уақыты

Сипаттамасы

19 қазан 2022 жыл

Күлімхан апа отбасындағы негізгі міндеттерді үлкен келіні Айсараға тапсырып, Түркияға демалысқа кетеді. Жаңа міндетпен Айсараның көптен армандаған арманы орындалды. Ол тез қатал енеге айналады. Алайда Айсараның мінсіз өмірін оған келген біртүрлі түс бұзады. Түсінде марқұм Күлімхан апайдың күйеуін - қайын атасын көреді, оны өзіне шақырады. Айсара алғашында бұл жағымсыз түске мән бермейді. Бірақ әр түнде ол бұл түсін қайта-қайта көреді. Бұл түсінің мағынасын түсіну үшін Айсара жергілікті көріпкелдің көмегіне жүгінеді. Ол бұл арман жаман оқиғалардың, соның ішінде ықтимал жоғалтудың хабаршысы болуы мүмкін деп түсіндіреді. Көріпкел тіпті алты күннен кейін өлім болуы мүмкін деп болжайды. Қатты қорыққан Айсара имамнан өлімге қалай дайындалу керектігі туралы кеңес алу үшін мешітке барады. Имам оған жақсы амалдар мен амалдарды орындауға күш салуға кеңес береді. Осы сәттен бастап Айсара өмірін түбегейлі өзгертеді.

Саундтректері

Композиторы - Ренат Гайсин. Телехикаяның басым бөлігінде қазақ эстадасының алтын қорындағы әндер пайдаланылған. Мысалы, "Дос-Мұқасан" тобы, Мақпал Жүнісова, Нағима Есқалиеваның ұмытылып кеткен әндері қолданылған, сол арқылы жас буын ретро әндермен танысты, әрі бұл әуендер телехикаяға жақсы атмосфера берді деп айтса да болады.

Дереккөздер

1. "Келінжан" неге хит болды?
2. «Келінжан» 1-бөлім \ «Келинжан» 1-серия
3. «Келінжан» 3-бөлім \ «Келинжан» 3-серия
4. «Келінжан» 4-бөлім "Хабар" телеарнасы
5. Келінжан 5 бөлім, Хабар телеарнасының Youtube арнасы
6. "Келінжан" 6-бөлім, "Хабар" телеарнасының Youtube арнасы.
7. "Келінжан" 7- бөлім, "Хабар" телеарнасының Youtube арнасы
8. "Келінжан" 8-бөлім, Youtube арнасы
9. «Келінжан» телехикаясының барлық бөлімі. 2 маусым / Все серии телесериала «Келинжан». 2 сезон
10. «Келінжан» 1-бөлімі"Хабар" телеарнасының Youtube арнасы, 1 бөлімі
11. «Келінжан 2» телехикаясы. 1-бөлім / Телесериал «Келинжан 2». 1-серия
12. КЕЛІНЖАН: Айсара кімге негізделген, гонорарға талас, Еркенің рөлі, сериал қалай жалғасады? Timur Balymbetov Youtube арнасындағы сұхбат.
13. “Келінжан” телехикаясының түпкі мақсаты ақша табу ма?HIT TV Youtube арнасы, "Менің өмірім" бағдарламасы.19 қараша 2022 жыл
14. «Келінжан» фильмі үлкен экран көрермендерінің қатты күткен фильмдерінің тізімінде бірінші орында тұрған – бас продюсер

Сілтемелер

1. https://khabar.kz/kk/barly-seriyalar-kelinzhan
2. https://khabar.kz/kk/barlyk-seriyalar-kelinzhan-ii-mausym
3. https://khabar.kz/kk/film-turaly-kelinzhan-iii-mausym
4. Қазаққа «Келінжан» керек! Мұрағатталған 8 қыркүйектің 2021 жылы.
5. https://khabar.kz/kk/film-turaly-kelinzhan-iii-mausym