Израильдің Иранға соққысы (қазан 2024)

2024 жылы 26 қазанда Израиль Иранға бірқатар соққы жасады. Біріншісі Иранның зымыранға қарсы қорғаныс жүйесіне бағытталса, екінші және үшінші соққылар дрон мен зымыран өндірілетін базалар мен өндірістік нысандарға жасалды.

Израильдің Иранға соққысы
Дата	26 қазан 2024 жылы
Орын	Иран
Себеп	Иранның Израильге зымыран соққысы
Қарсыластар
Израиль  Иран
Қолбасшылары
Әли Хаменеи
Тараптар күші
жүзден астам жойғыш белгісіз
Шығындар
жоқ екі әскери қызметші
Бұл үлгіні: көру • талқылау • өңдеу

Израиль Қорғаныс Армиясы ресми хабарлама жасап, бірнеше айға созылған Иранның шабуылдарына жауап ретінде әскери нысандарға дәл соққылар жасағанын мәлімдеді. Jerusalem Post дерегінше, шабуылға 100-ден астам ұшақ, соның ішінде заманауи F-35 ұшағы да қатысқан.

Соққылар

Израиль қорғаныс армиясы түн ішінде Иранға бірқатар соққылар жасап, олардың нүктелі және әскери нысандарға бағытталғанын мәлімдеді. Бірнеше сағаттан кейін Иранның әуе шабуылына қарсы қорғаныс күштері Тегеран, Хузестан және Илам провинцияларындағы базаларға шабуыл жасалғанын мәлімдеді. Олардың айтуынша, шабуылдар сәтті тойтарылған, бірақ кейбір позицияларға «шектеулі зиян» келтірілген.

Иранның мемлекеттік теледидар қызметі бүкіл Тегеранға жарылыс дыбысы туралы хабар таратты. Шабуыл қару-жарақ қоймасы мен казармаға бағытталғандай болды. Сондай-ақ, Тегеранның батысында орналасқан Қарадж қаласында да жарылыстар болғаны хабарланды. Бұдан басқа, жарылыстар Мешхед, Керманшах, Зенджан маңында естілді.

Реакция

Израиль:

ЦАХАЛ баспасөз хатшысы Даниэль Хагари арнайы бейнежазбада Израиль авиациясының Ирандағы әскери нысандарға соққы жасағанын және оқиғалар туралы қоғамды үнемі хабардар етіп отыратынын айтты. Sky News Arabia арнасы шабуыл нысандарының бірі баллистикалық зымырандарды ұшыру базасы болғанын хабарлады. Шабуыл тек әскери нысандарға жасалғаны, ядролық және мұнай инфрақұрылымдарына тиіспегені айтылды.

"Иран бүгін түнде үлкен қате жасады және оның орнын толтырады. Иран режимі біздің мықтылығымызды түсінбеген. Біз белгілеген ережені ұстанамыз: кім бізге шабуыл жасаса, біз оған шабуыл жасаймыз", – деді Нетаньяху.

"Егер Иран тағы соққы жасаса, Израиль қол қусырып отырмайды" деді Хагари. Ирандық жекеменшік Tasnim ақпарат агенттігі дереккөздерге сүйене отырып Иран Израильдің кез келген агрессиясына жауап беруге дайын деп жазды.

Иран:

Иран ақпарат агенттіктері Тегеранда бірнеше жарылыстың болғанын хабарлады. Израильдің 12-ші телеарнасы шабуылдың екінші толқыны Шираз қаласына және оның маңайына бағытталғанын айтты. Иран армиясының басшылығы көптеген шабуылға қарсы тұрып, әуе соққыларын сәтті тойтарғандарын, барлық жау ұшақтары атып түсірілгенін жария етті.

Тағы қараңыз

• Үшінші Ливан соғысы (2024)

Дереккөздер

1. Израиль Иранға әуеден соққы жасады  (қаз.).
2. Израиль нанес удар по военным объектам в Иране Операция получила название «Дни покаяния» и стала ответом на ракетные обстрелы со стороны Тегерана  (орыс.).
3. الجیش الإیرانی یعلن استشهاد عسکریین اثنین جراء الاعتداء الإسرائیلی- الأخبار ایران  (ар.).
4. Израиль Иранға зымыранмен соққы жасады  (қаз.).
5. Израиль нанес серию ударов по Ирану  (орыс.).
6. Ravid, Barak. Israel launches retaliatory attack against Iran  (ағыл.), Axios (26 October 2024).
7. Explosions heard in Iran's Tehran and nearby Karaj, state media say  (ағыл.), Reuters (26 October 2024).
8. Lee, Deva Several explosions heard in Tehran, Iranian state media say: Live updates  (ағыл.).
9. Updates: Israel Strikes Iran in Retaliatory Attack  (ағыл.). The New York Times (26 October 2024).
10. ارتش اسرائیل: با دستورالعمل رده‌های سیاسی به طور دقیق به اهداف نظامی در ایران حمله می‌کنیم  (парсы).
11. Израиль Ирандағы әскери нысандарға соққы жасады  (қаз.).