Зағипа Әбдіқызы т е ж б Абай бостандық әперген қыз Тобықтының Жігітек атасынан Кеңгірбай бидің шөбересі 1860 ж Әбді Тұсі

Зағипа Әбдіқызы (т.-е. ж. б.)-Абай бостандық әперген қыз. Тобықтының Жігітек атасынан. Кеңгірбай бидің шөбересі. 1860 ж. Әбді Тұсіпұлы Жігітек ішіне кірме болып отырған Төлегенмен уәделесіп, оның ұлына Зағипаны бермекші болып қалыңмал алған. Болашақ куйеуіне риза болмаған 3ағипа өлеңмен мұңын шағып, Абайға хат жазады. Қыздың зарлы жүрек сөзіне құлақ қойған Абай, Әбді мен Төлегенді шақыртып алып сөйлеседі. Олар көнбе- ген соң Абай Семейдің бітімші сотына 3ағипаның атынан арыз жазады. Ол жақтан: «Қызға бостандық әперіп, сүйгеніне қосыңыздар!» - деген бұйрық келеді. Болыс уезден бүйрық алысымен билерді, қызы мен Әбдіні шақыртып алғызады. Байғүлақ би мен Қаражан би Абайдың кеңесімен «қыздың басы- на бостандық берілсін» деген билік айтып, қол қойып, мөр басып, почтамен Семейдің бітімші сотына жібереді. Бұл шешімге риза болмаған ағайынды Әбді, Әділқан, Құйылыс почташы шабарман Қамысбайды соққыға жығып, қолындағы бар қағазды өртеп жіберді. Басы жарылған Қамысбай Семейдегі ояз кеңсесіне барып, болған жайды хабарлайды. Ояздыңбүйрығымен Әбді, Әділқан, Құйылыс Сібірге жер аударылады.

Дереккөздер

Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9

Бұл — тұлға туралы мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді ауыстыру қажет.

[1] Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9