Жүзжылдық

Жүзжылдық (алоэ, Aloe) – тұқымдасына жатады. Туысында 350-ге жуық түрі бар. Африканың тропикалық аймақтары мен Мадагаскар аралында таралған. Сукулентке жататын өсімдік. Табиғатта оның шөптесін, бұта, ағаш және шырмауық түрлері бар. Отанында бұл өсімдік жылда гүлдейді. Ал Қазақстанда бөлме гүлі ретінде өсірілетіндіктен, үй жағдайында өте сирек гүлдейді. Жүзжылдық деп аталуы, жүзжылда бір гүлдейді дегеннен шыққан. Күтімі өте жеңіл. Жапырақтары шырынды, ұзын сүйір, қатты, қалың қабықты, шеттері өткір тікенді болып келеді. Шырынында бактерицидтік қасиеті өте жоғары болғандақтан, медицинада үлкен қолданыста. Ауа тазартудан да басқа өсімдіктерге қарағанда фитонцидтерді көп бөледі. Фитонцидтер – ауадағы бактерияларды жояды.

Жүзжылдық
Дүниесі: Өсімдіктер Бөлімі: Табы: Тегі: Жүзжылдық

Жарығы:

Жарық сүйгіш. Тіке түскен күн сәулесін қажет етеді.

Жылуы:

Қыста 10 °C төмен болмауы абзал. Жарық жерге қою керек.

Суғарылуы:

Жазда жиі, қыста сирек суғарады.

Ылғалдылығы:

Құрғақ ауаға төзімді. Көктем-жаз айларында аптасына бір рет су бүркіп тұрған абзал.

Қоректендірілуі:

Кірпігүлге арналған тыңайтқышпен айына бір рет, ал қыста қоректендірмейді.

Аурулары:

Ауруға сирек шалдығады. Сукулентке жататындықтан, артық суғарғаннан шіріп кету қаупі бар.

Көбейтілуі:

Түбін бөлу арқылы көбейтеді.

Сілтемелер

• Гүлстан, өсімдіктер туралы сайт Мұрағатталған 20 ақпанның 2012 жылы.

Дереккөздер

"Гүлстан" республикалық ғылыми-танымдық, көпшілік журнал, 2010 жыл ISSN 2078-6727