Дельфин оқиғасы ағылш Dolphin Tale 2011 жылғы режиссёр Чарльз Мартин Смиттің отбасылық драма фильмі Фильмде Уинтер атты

«Дельфин оқиғасы» (ағылш. Dolphin Tale) — 2011 жылғы режиссёр Чарльз Мартин Смиттің отбасылық драма фильмі. Фильмде Уинтер атты дельфиннің тағдыры жайлы айтылған, фильм шынайы оқиғаға негізделген. Фильмнің тұсаукесері 2011 жылғы 23 қыркүйекте болды. Продюсерлері — Брэд Аренсмен, Дэвид Йэтс. Фильмді түсіруге және кітапты жазуға шабыттандырған «Уинтер» дельфинінің шынайы оқиғасы, ол 2005 жылы Флорида штатының жағажайында құтқарылып, «Clearwater Marine Aquarium» акуариумына жеткізілді және әлі күнге дейін сол жақта бағып — күтілуде. Уинтер теңіз шаяндарына арналған тұзақтың жібіне байланып, құйрығын жоғалтады. Бірақ, оның құйрығын протез, яғни жасанды құйрық алмастырды.

Дельфиннің оқиғасы
Dolphin Tale

Жанры	драма, отбасылық
Режиссёрі	Чарльз Мартин Смит
Продюсері	Ричард Ингбер Бродерик Джонсон Эндрю Косов
Сценарийдің авторы	Карен Джансзен Ноам Дроми
Басты рөлдерде	Натан Гэмбл Кози Зуэлсдорф Гарри Конник кіші Эшли Джадд Крис Кристофферсон Морган Фриман
Операторы	Карл Вальтер Линденлауб
Композиторы	Марк Айшем
Кинокомпания	Alcon Entertainment
Ұзақтығы	113 мин
Бюджеті	37 млн $
Кассалық түсімі	95,9 млн $
Мемлекет	АҚШ
Тілі	ағылшын
Шыққан жылы	2011
Келесі фильм	Дельфин оқиғасы 2
IMDb	ID 1564349
http://www.dolphintalemovie.com

Сюжет

Сойер Нельсон, 11 жастағы жалғыздық зардабын тартып жүрген бала. 5 жыл бұрын оны әкесі тастап кеткелі бері мектеп үлгерімі өте нашар. Оның жалғыз досы оның бөлесі Кайл. Кайл жүзу чемпионы, оның арманы Олимпиада ойындарына қатысу.
Бір күні Сойер мектепте өз велосипедімен бара жатқанда, жаралы дельфинге көмектеспек болып жүрген балықшыны көреді. Балықшы баладан 911 қызметіне қоңырау шалуға телефон сұрайды. Дельфин теңіз шаяндарына арналған тұзақтың жіптеріне байланып, жараланған. Оқиға орнына Clearwater Marine Aquarium (CMA) қызметкерлері келіп оны CMA ауруханасына алып кетеді. Сойер өзіне жаңа дос тапқанын сезеді. Ал CMA-да өзіне көптеген дос табады.

Рөлдерде

Актёр	Рөлі	Сипаты
Натан Гэмбл	Сойер Нельсон	11 жастағы бала, Уинтерді жіптен босатып, оның жақын досына айналады және дельфинде бұл бала әкелік бейнеде қалыптасқан
Уинтер	Уинтер дельфині	Бұл рөлді Уинтер дельфиннің өзі ойнады. Оның құйрығы бактериялардың кесірінен шіру үдерісі басталды, және оның құйрығын кейін кесуге мәжбүр болды
Гарри Конник кіші	Клэй Хаскетт	CMA акуариумындағы дәрігер, Хейзелдің әкесі
Эшли Джадд	Лореан Нельсон	Сойердің анасы
Крис Кристофферсон	Рид Хаскетт	Клэйдің әкесі, Хейзелдің атасы
Морган Фриман	Кеммерн Маккарти	Протездің дизайнері, Кайлдың ауруханадағы дәрігері
Ким Остренко	Алиса Коннеллан	Кайлдың анасы, Сойердің тәтесі, Лореанның әпкесі
Джим Фицпатрик	Макс Коннеллан	Кайлдың әкесі, Сойердің ағасы
Кози Зуэлсдорф	Хейзел Хаскет	11 жастағы қыз, Клэйдің қызы, Ридтің немересі, Сойердің досы
Рэй Маккиннон	мистер Дойл	Сойердің мектептегі мұғалімі
Остин Стоуэлл	Кайл Коннеллан	Сойердің бөле ағасы, штаттағы жүзуден чемпион
Майкл Роарк	Донован Пека	Кайлдың досы, олда штаттағы жүзуден чемпион
Фрэнсис Стернхаген	Глории Форрест	Clearwater Marine Aquarium-ның иесі
Остин Хайсмит	Фиби	Clearwater Marine Aquarium-де тренер
Бетси Лэндин	Кэт	Clearwater Marine Aquarium-де дельфин маманы
Джулиана Харкави	Ребекки	Clearwater Marine Aquarium-де жұмысшы
Ричард Либертини	Балықшы, Уинтерді тапқан адам	Кейін ол қаражат жинау кезінде оларға жолығып, қомақты қаражат сыйлайды. Бұл фильм Ричардтың киноиндустриясындағы соңғы рөлі, ол 2016 жылы қайтыс болды.

Жалғасы

2013 жылғы 18 маусымда Warner Brothers бұл фильмнің жалғасын түсіруге ниетті екенін жариялады. Жалғасы «Дельфин оқиғасы 2» деген атпен 2014 жылғы қыркүйек айында шықты.

Фильм мен шынайы өмірдегі оқиғалар арасындағы айырмашылықтар

Фильмде Уинтерді Данидендегі бал айы аралында балықшының көмегімен табылып, кейін Сойер оны босатты. Ал шын өмірде Уинтер Москит Лагунсутта, Нью-Смирна жағажайында табылды.
Фильмде Уинтердің құйрығын жіп арқылы тараған инфекцияның кесірінен алып тастады. Ал шын өмірде оның құйрығын құйрығындағы қан айналымы бұзылғандықтан алып тастады.
Фильмде жасанды құйрықтың өндірісі бірнеше апта алса, шын өмірде өндіріс бірнеше айды алған.

Өндіріс

Дельфин оқиғасы 2010 жылдан бастап түсіріле бастады. Бұл фильм Флорида штатында Клируотер қаласында түсірілді. Дельфиннің оқиғасы фильмі қазіргі таңдағы жалғыз теңіз сүтқоректілер туралы, Джастин Шерберттің қатысуынсыз фильм.

Саундтрек

«World Gone Crazy» - орындаушы: Doobie ағайындылары
«Knee Deep» - орындаушы: Zac Brown Band, Jimmy Buffett қатысуымен
«Sh-Boom» - орындаушы: The Chords
«Everything Happens To Me» - жазушы: Tom Adair және Matt Dennis
«Ride of the Valkyries» - орындаушы: Будапешттік симфониялық оркестрі
«I'm Yours» - орындаушы: Jason Mraz
«Line Dance» - орындаушы: Michael Wells және David Fowler
«Second Guessin» - орындаушы: Jerry King және the Rivertown Ramblers
«Kings Road A» - жазушы: Jens Funke және Josef Peters
«Made for Dancing» - орындаушы: Ron Keel
«Safe» - орындаушы: Westlife

Марапаттар

Марапат	Санат	Алушы	Нәтиже	Дер.
Жас Әртіс	Көркем фильмдегі үздік қойылым - үздік жас әртіс	Натан Гэмбл	Номинация
Жас Әртіс	Көркем фильмдегі үздік қойылым - үздік қолдаушы әртіс		Номинация

Сілтемелер

Фильмнің ресми сайты Мұрағатталған 20 ақпанның 2023 жылы.
Winter дельфині

Дереккөздер

33rd Annual Young Artist Awards. YoungArtistAwards.org. Басты дереккөзінен мұрағатталған 4 сәуір 2012. Тексерілді, 31 наурыз 2012.

[Young_Artist_Awards-1] 33rd Annual Young Artist Awards. YoungArtistAwards.org. Басты дереккөзінен мұрағатталған 4 сәуір 2012. Тексерілді, 31 наурыз 2012.