Гүлжан Жанпейісқызы Қарағұсова

Гүлжан Жанпейісқызы Қарақұсова (9 қыркүйек 1950, Алматы) — қазақстандық мемлекеттік қайраткер, еңбек және халықты әлеуметтік қорғау министрі (2001-2007), экономика ғылымдарының докторы және профессор.

Гүлжан Жанпейісқызы Қарақұсова
Лауазымы
Ту Мәжілістің 4, 5 және 6-сайланым депутаты Ту
27 тамыз 2007 — қаңтар 2021
Президент	Нұрсұлтан Назарбаев
Премьер-Министр	Даниал Ахметов Кәрім Мәсімов Серік Ахметов Кәрім Мәсімов Бақытжан Сағынтаев Асқар Мамин
Ту Еңбек және халықты әлеуметтік қорғау министрі Ту
22 қараша 2001 — 12 шілде 2007
Президент	Нұрсұлтан Назарбаев
Премьер-Министр	Қасым-Жомарт Тоқаев Иманғали Тасмағамбетов Даниал Ахметов Кәрім Мәсімов
Ізашары	Әлихан Бәйменов
Ізбасары	Бердібек Сапарбаев
Ту Сенаттың 2-сайланым депутаты Ту
мамыр 1997 — қараша 2001
Президент	Нұрсұлтан Назарбаев
Премьер-Министр	Әкежан Қажыгелдин Нұрлан Балғымбаев Қасым-Жомарт Тоқаев
Өмірбаяны
Партиясы	1. КОКП (1984—1991) 2. Нұр Отан (2007)
Білімі	Қазақ ұлттық университеті (1972)
Ғылыми дәрежесі	1. Экономика ғылымдарының докторы 2. Профессор
Мамандығы	1. Экономист 2. Саяси Экономия оқытушысы
Дүниеге келуі	9 қыркүйек 1950 (1950-09-09) (74 жас) Алматы
Анасы	Софья Сүлейменқызы Кәрімова
Балалары	қызы Дана Қарақұсова (1984) ұлдары Фархат Қарақұсов (1971) Роман Романов (1976)
Марапаттары
өңдеу

Қысқаша өмірбаяны

С.М. Киров атындағы Қазақ мемлекеттік университетінің саяси экономия факультетін бітірген (1972), экономист, саяси экономика оқытушысы. Экономика ғылымдарының кандидаты (1980), докторы (1990). Докторлық диссертациясының тақырыбы: «Социализм кезіндегі жарыс қатынастарын іске асырудың экономикалық механизмі». С.М. Киров атындағы Қазақ мемлекеттік университетінің саяси экономия кафедрасының профессоры (1992).

«Бұқараның жанды шығармашылығы» (1985), «Жарыс және қайта құру» (1988), «Салықтар: пайдалану мәні және іс жүзінде» (1994), «Бағалы қағаздар туралы не білу керек» (1996), «Көлеңкелі экономика: даму тенденциясы» (2001) кітаптарының авторы; «Қоғамдық тұтыну қорлары» (1983), «Шаруашылық механизмі жүйесіндегі бәсекелестіктің жаңа формалары» (1984), «Қазақстандағы экономикалық қылмыспен күресу мәселелері» (1996) кітаптарының тең авторы.

«Нұр Отан» ХДП (2007 жылдан).

1972 жылдан - С.М. Киров атындағы Қазақ мемлекеттік университетінің ассистенті, аға оқытушысы, доценті, профессоры. 1994 жылдан - ҚР Президентінің экономикалық реформа жөніндегі кеңесшісі, Экономикалық кеңесшілер кеңесінің жетекшісі.

1995 жылдан - ҚР Құнды қағаздар бойынша ұлттық комиссиясының төрайымы. 1997 жылдың қаңтар айынан - «Қаржы нарықтары институттары» ҚҚ президенті. 1997 жылдың мамыр айынан - ҚР Парламенті Сенатының депутаты, Экономика, қаржы және бюджет жөніндегі комитеттің төрайымы. 2001 жылдан - ҚР тұрғындарды әлеуметтік қорғау және еңбек министрі.

2007 жылдан бері - ҚР Парламенті Мәжілісі 4-шақырылымының «Нұр Отан» ХДП тізімі бойынша депутаты, Қаржы және бюджет комитетінің төрайымы.

С.М.Киров атындағы Қазақ мемлекеттiк университетiнде дәрiс берген, Қазақстан Республикасы Президентiнiң көмекшiсi, Қазақстан Республикасының Президентi жанындағы Экономикалық консультанттар кеңесiнiң жетекшiсi, Бағалы қағаздар жөнiндегi ұлттық комиссияның төрайымы, Қазақстан Республикасы Парламент Сенатының Экономика, қаржы және бюджет жөнiндегi комитетiнiң төрайымы болып тағайындалған.

2001 жылғы қарашадан бастап Қазақстан Республикасының Еңбек және халықты әлеуметтiк қорғау министрi.

2007 жылы «Нұр Отан» партиясы тізімі бойынша Қазақстан Республикасының Парламенті Мәжілісі 4-ші шақырым депутаты боп сайланған. қаржы және бюджет жөніндегі комитетінің төрайымы.

Марапаттар

• «Парасат» (2005) орденімен;
• «Астана» (1998),
• «Қазақстан Республикасының тәуелсіздігіне 10 жыл» (2001),
• «Қазақстан Конституциясына 10 жыл» (2005) медалі.

Отбасы

Ұлдары - Қарақұсов Фархад Сергеевич (1971), Романов Роман Сергеевич (1976 ); қызы - Қарақұсова Дана Сергеевна (1984 ).

Дереккөздер

1. Қазақстан Республикасында кімнің кім екені - 2011 жыл. Екі томдық анықтамалық. Алматы, 2011 ІSВN 978-601-278-473-2