Глоксиния синнинги я тұқымдасына жататын көп жылдық түйнек тамырлы өсімдік Отаны Бразилия Жайырағы ұсақ жұмсақ қоңыржасы

Глоксиния (синнинги я)— тұқымдасына жататын көп жылдық түйнек тамырлы өсімдік. Отаны — Бразилия. Жайырағы ұсақ, жұмсақ, қоңыржасыл болады, әралуан реңді, қоңырау пішіндес, ірі, әдемі гүл жарады. Әлеміш гүлдісі де кездеседі. Глоксинияның күтімі қиын емес. тіке түспейтін жерге орналастырыл, тамыры арқылы суарады. Көктемнен күзге дейін гүлдейді. Органикалық және минералдық тьіңайтқыштармен ұдайы қоректендіру нәтижесінде гүлденуі де ұзаққа созылады. Қыркүйектің аяғында (жапырағы солған кезде) түйнегі бар құмыраны қараңғы қоңырсалқын жерге қойып, кеуіл қалмас үшін мезгіл мезгіл суарыл отырады. Немесе түйнекті құмырадан алып, дымқыл мүкке орап қояды. Көктемде құрамына үлесі бірдей шым топырақ, жапырақ аралас топырақ және қарашірік қосылған қопсытылған тың топыраққа отырғызып, жарық жерге орналастырады да, суара бастайды. Бөлме жағдайында оны түйнегі арқылы ғана емес, жапырақ қалемшелері арқылы да оңай көбейтуге болады. Гүлден тұрған өсімдіктің ұзындығы 1 см-дей жетілген жапырағының кесіндісін таза құмға салып 240С температурадағы шыны астына не суға қояды. 3—4 аптадан кейін (түйнек салғанда) жапырақты құрамында 2 үлес жапырақ топырағы, 2 үлес қарашірік және 1 үлес құм бар топыраққа отырғызады. Тұқымымен көбеюі күрделірек. Қыста немесе ерте көктемде тұқымды құммен араластырып, температурасы 20—220С-тан төмен емес (ылғалды жылыжай болса тиімді) жайпақ ыдыстағы аз мөлшердегі топыраққа себеді. Тұқымды 2—3 рет сирексітіп көщеттейді. (Үй өсімдіктері мақаласын қараңыз).

Дереккөздер

Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Шаңырақ : Үй-тұрмыстық энциклопедиясы. Алматы : Қаз.Сов.энцикл.Бас ред., 1990 ISBN 5-89800-008-9