Гидрогеологиялық болжам жер асты суының мөлшері мен сапасын ағу бағытын режимін табиғи және пайдалануға болатын қорының

Гидрогеологиялық болжам - жер асты суының мөлшері мен сапасын, ағу бағытын, режимін, табиғи және пайдалануға болатын қорының шамасын, т.б. алдын ала анықтау. Гидрогеологиялық болжам мынадай әдістер арқылы орындалады: жер асты су көрсеткіштерінің (қоры, режимі, минералдар, т.б.) өзгеру заңдылықтарын анықтау арқылы олардың болашақтағы шамасын белгілеу; нақты анықталған шамаларды, олардың бұрынғы өзгеру бағыты мен қарқынын есепке ала отырып, керекті көрсеткіштердің белгіленген кезеңдегі шамаларын болжамдау; толық зерттелген ауданның, сулы қабаттардың белгілі өлшемдері бойынша құрылымдық және гидрогеол. ерекшеліктері ұқсас жаңа аймақтың (сулы қабаттың) қажетті сипаттарын анықтау; белгісіз шамаларды анықтау үшін арнайы тәжірибелер жасау. Гидрогеологиялық болжам үшін электрондық-есептеу машиналары, матем. модельдеу әдістері жиі қолданылады. Осы әдістерге сүйене отырып Қазақстан ғалымдары, жер асты суының қорлары, оны келешекте пайдалану мүмкіндіктері мен мөлшерін анықтады. және грунт суларының болжамдық гидрогеол. карталары жасалды. Арал, Каспий теңіздерінің, олардың жағалауындағы жер асты су деңгейінің өзгеру шамалары белгіленді.

Дереккөздер

Қазақ Энциклопедиясы

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қазақ Энциклопедиясы