Босаға (астеризм)

Босаға — Егіздер шоқжұлдызындағы (Кастор мен Поллукс) және Жетекші шоқжұлдызындағы (Капелла мен Менкалинан) жарық жұлдыздарынан құралған астеризм. Қыс бойы аспанда жайнап тұратын Үркер, Таразы (Мизам), Сүмбіле сияқты жарық жұлдыздар мамыр айының ортасынан бастап батады. Бірақ Күннің батқан тұсында есіктің екі босағасы сияқты орналасқан 4 жұлдыз батпай жарқырап көзге түседі. Қазақ халқы оларды жыл мезгілдері мен түннің ұзақтығын айыру, дүние тараптарын бағдарлау үшін бақылап, есеп жүргізіп отырған.

Дереккөздер

1. «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 жыл, ISBN 5-89800-123-9, II том
2. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5