Болат Сейітқазыұлы Зәкиев

Болат Сейітқазыұлы Зәкиев (25 тамыз 1950, Қаратал ауылы, Зайсан ауданы, Шығыс Қазақстан облысы, Қазақ КСР) – еліміздің мемлекеттік шекарасын қорғау қызметін ұйымдастыруға елеулі үлес қосқан әскери қайраткер, генерал-лейтенант. Жоғары шекара командалық училищесін (1971), КСРО Мемлекеттік қауіпсіздік комитеті инститын (1981) бітірген. 1971 – 78 ж. Шығыс шекара округында офицер, аға офицер, 1981 – 84 ж. бөлім бастығының орынбасары, 1984 – 88 ж. Ауғанстандағы КСРО Мемлекеттік қауіпсіздік комитеті өкілдігінің аға жедел қызметкері, 1988 – 91 ж. Шығыс шекара округында жедел бөлім бастығының орынбасары қызметтерін атқарған. 1992 – 95 ж. (ҰҚК) төрағасының орынбасары – Шекара әскерлерінің қолбасшысы, 1995 – 97 ж. Мемлекеттік шекара күзеті жөніндегі мемлекеттік комитеттің төрағасы болды. 1999 жылдың шілде айынан Қазақстан Республикасы ҰҚК төрағасының орынбасары – Шекара қызметінің директоры. ҚҚ-дәрежелі “Даңқ”, “Қызыл Жұлдыз” ордендерімен, Ауғанстанның “Батырлығы үшін” орденімен, он сегіз медальмен марапатталған.

Болат Сейітқазыұлы Зәкиев
Лауазымы
Ту ҚР ҰҚК Шекара қызметінің 4-директоры Ту
шілде 1999 — 21 мамыр 2008
Президент	Нұрсұлтан Назарбаев
Ізашары	Тоқтасын Бұзыбаев
Ізбасары	Болат Қырғызбаев
Ту Қазақстан Республикасы Мемлекеттік шекараны қорғау жөніндегі мемлекеттік комитетінің 2-төрағасы Ту
қазан 1992 — маусым 1997
Ізашары
Ізбасары	Тоқтасын Бұзыбаев
Өмірбаяны
Білімі	Ф.Е.Дзержинский атындағы КСРО Министрлер Кеңесі қарамағындағы МҚК Жоғарғы шекаралық қолбасшылық училищесі
Дүниеге келуі	25 тамыз 1950 (1950-08-25) (74 жас) Қаратал ауылы, Зайсан ауданы, Шығыс Қазақстан облысы, Қазақ КСР
Жұбайы	Зәкиева (Елукенова) Мәуле Қаратайқызы
Балалары	қызы — Динара (1982 туғ.)
Әскери қызметі
Атағы	(1995)
Марапаттары
өңдеу

Дереккөздер

1. "Қазақ Энциклопедиясы",4 том 3 бөлім