Бақытжан Байқадамов 11 наурыз 1917 Торғай облысы 16 маусым 1977 Алматы композитор Қазақстанның еңбек сіңерген өнер қайра

Бақытжан Байқадамов (11 наурыз 1917, Торғай облысы — 16 маусым 1977, Алматы) — композитор. Қазақстанның еңбек сіңерген өнер қайраткері (1957).

Бақытжан Байқадамов
Туған күні	11 наурыз 1917 (1917-03-11)
Туған жері	Торғай облысы, Ресей Империясы
Қайтыс болған күні	16 маусым 1977 (1977-06-16) (60 жас)
Қайтыс болған жері	Алматы, Қазақ КСР
Азаматтығы	КСРО Ресей Империясы (1917-1922)
Ұлты	қазақ
Қызметі	композитор

Өмірбаяны

Алматы мемлекеттік университетін (1937), Алматы мемлекеттік консерваториясын бітірген (1954).

1941 жылы Қазақ радиосында хор жетекшісі, 1947—1949 жылдары әйелдер ән-би ансамблінің жетекшісі әрі дирижері болды.

1952 — 1960 жылдары Қазақ филармониясын басқарды. Осы жылдары “Почташы”, “Су тасушы қыз”, “Домбыра”, “Алма ағаштар жайнайды”, “Кел, достар”, “Теміртау жастарының әні”, “Айгөлек”, “Бөбегім” атты ойнақы әндері мен “Майра”, “Тойбастар”, “Он алты қыз” сияқты хорға арналған шығармалары дүниеге келді.

1969 жылдан өмірінің аяғына дейін Қазақ қыздар педагогикалық институтында ұстаздық етті.

Шығармашылығы

Байқадамов Бақытжан Қазақстанда көп дауысты хор музыкасы жанрын қалыптастыруда ерекше еңбек етті.

“Жайлауға”, “Біз бейбітшілік үшін”, т.б. хорға арналған сюиталар, вокалдық композициялар, хорға арналған көлемді поэмалар (“Қыз арманы”, “Айтыс”, “Еңбек жемісі”) жазды. Физика, математика, музыка теориясы саласындағы білімін ұлттық музыка аспаптарын жетілдіру мақсатына пайдаланып, домбыраның үнділігін арттыратын жаңа өлшемдер жасап шықты. Көпшілікке танымал болған “Айгүл” ансамблін ұйымдастырып, эстрадалық жанрдың дамуына да ат салысты. Байқадамов Бақытжан есімімен аталады, оның көркемдік жетекшісі және дирижері Бейімбет Демеуов (1997).

Дереккөздер

Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9
https://egemen.kz/article/214305-bbayqadamov-atyndaghy-memlekettik-khor-kapellasyna-–-80-dgyl%C2%A0%C2%A0%C2%A0%C2%A0
«Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, II том;

[1] Абай. Энциклопедия. – Алматы: «Қазақ энциклопедиясының» Бас редакциясы, «Атамұра» баспасы, ISBN 5-7667-2949-9

[2] ttps://egemen.kz/article/214305-bbayqadamov-atyndaghy-memlekettik-khor-kapellasyna-–-80-dgyl%C2%A0%C2%A0%C2%A0%C2%A0

[3] «Қазақстан»: Ұлттық энцклопедия / Бас редактор Ә. Нысанбаев – Алматы «Қазақ энциклопедиясы» Бас редакциясы, 1998 ISBN 5-89800-123-9, II том;