Ақбастау (өзен, Қарағанды облысы)

Ақбастау – Нұра алабындағы өзен.

Ақбастау өзені
Сипаттамасы
Ұзындығы	83 км
Су алабының ауданы	1570 км²
Су алабы	Нұра
Бастауы	Жақсы Қаражал тауының бұлақтары
Сағасы	Нұра өзені
• Координаттары	49°36′39″ с. е. 74°19′44″ ш. б. / 49.61083° с. е. 74.32889° ш. б. / 49.61083; 74.32889 ^(G) ^(O) ^(Я)Координаттар: 49°36′39″ с. е. 74°19′44″ ш. б. / 49.61083° с. е. 74.32889° ш. б. / 49.61083; 74.32889 ^(G) ^(O) ^(Я)^(T)
Орналасуы
Ел	Қазақстан
Аймақ	Қарағанды облысы Қарқаралы ауданы

 Басқа мағыналар үшін Ақбастау деген бетті қараңыз.

Географиялық орны

Қарағанды облысы Қарқаралы ауданының батысындағы өзен.

Бастауы

Шет ауданының солтүстігіндегі Жақсы Қаражал тауының бұлақтарынан басталып, Жуантөбе, Егізқызыл тауларының батыс тұсында Нұра өзеніне құяды. Ұзындығы 83 км, су жиналатын алабы 1570 км². Жылдық орташа су ағымының мөлшері 0,18 м³/с.

Гидрологиясы

Сол жағынан Айнасу, Қамыстыбұлақ, оң жағынан Қасқақұдық сияқты ұзынды-қысқалы 8 сала құяды. Суы жыл бойы ішуге жарамды. Желтоқсанның 1-жартысында суы қатып, сәуірдің 1-жартысында мұзы ериді.

Өсімдігі

Аңғарының шалғындық ақшыл қара қоңыр топырағында бидайықты шалғын, тал бұталар, алабының қыратты жерінде бетеге, қызғылт селеу, т.б. өседі. Жайылмасы шүйгін шабындық болғандықтан жайылым ретінде пайдаланылады.

Дереккөздер

1. Қазақ ұлттық энциклопедиясы
2. Қарағанды. Қарағанды облысы: Энциклопедия. - Алматы: Атамұра, 2006. ІSBN 9965-34-515-5