Арысқұм мұнай газ конденсат кен орны Қызылорда облысы Жосалы темір жол станциясынан солтүстік шығысқа қарай 120 км жерде

Арысқұм мұнай-газ конденсат кен орны — Қызылорда облысы Жосалы темір жол станциясынан солтүстік-шығысқа қарай 120 км жерде. 1985 жылы ашылған.

Арысқұм мұнай-газ конденсат кен орны
45°50′25″ с. е. 66°13′41″ ш. б. / 45.84028° с. е. 66.22806° ш. б. / 45.84028; 66.22806 ^(G) ^(O) ^(Я)Координаттар: 45°50′25″ с. е. 66°13′41″ ш. б. / 45.84028° с. е. 66.22806° ш. б. / 45.84028; 66.22806 ^(G) ^(O) ^(Я)
Ел	Қазақстан
Аймақ	Қызылорда облысы
Ашылған уақыты	1985 жыл
Арысқұм мұнай-газ конденсат кен орны
Арысқұм мұнай-газ конденсат кен орны

Геологиялық құрылымы

Арысқұм мұнай-газ конденсат кен орны Арысқұм грабен-антиклиналінің орталығы бөлігіндегі антиклиналдық иілімді алып жатыр. Кен шоғыры төменгі бор жыныстарына байланысты түзілген.

Жатыс сипаты

Өнімді қабат 928 м тереңдікте тектоникалық тұрғыдан оқшау орналасқан. Оның жалпы қалыңдығы 20 м шамасында, тиімді қалыңдығы 12-15 м, мұнай сіңірілген қалыңдығы 3,2-12,6 м. Коллектордың кеуектілігі 17,4е, өткізгіштігі 0,054 мкм².

Қанығу сипаты

Мұнай сіңірімділік коэффициенті 0,66; газ сіңірімділік коэффициенті. 0,697. Кен әлсіз цементтелген гравелиттен, құмнан, құмтастан, алевролиттен тұрады. Бастапқы қабат қысымы 10,49 МПА, температурасы 44^°С болған. Газдық фактор 39,7 м³/т. Ұңғыманың тәуліктік өнімділігі: мұнай бойынша — 60,9 м³, газ — 69,62 мың м³.

Құрамы

Кеннің мұнайы жеңіл (0,854 г/см³), құрамында күкірт (0,46:), парафин (9,7-27,2), шайыр (16,65) бар. Газ негізінен метаннан 93,86 тұрады. Газдағы конденсат мөлшері 9,4-15,2 г/м³, оның тығыздығы 0,738-788 кг/м³. Кен орны “Тұранпетролеум” біріккен кәсіпорнына игеруге берілген (1995).

Дереккөздер

АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5

[1] АТАМЕКЕН: Географиялық энциклопедия. / Бас ред. Б.Ө.Жақып. – Алматы: «Қазақ энциклопедиясы», 2011. – 648 бет. ISBN 9965-893-70-5