Артиллериялық зеңбірек

Артиллериялық зеңбірек — снарядты (миналарды) атуға арналған 20 мм және одан жоғары калибрлі ұңғылы қару түрі.

Құрлықта, теңізде, әуеде қарсыластың адам күшін және атыс құралдарын жою, оның қорғаныс құрылысын қирату және баска да тапсырмаларды орындау үшін қолданылады.

Артиллериялық зеңбіректің әрекет ету принципі ұңғыдағы оқ-дәрі зарядының жану энергиясының снарядтың жылжу энергиясына айналуының физикалық-химиялық процесіне негізделген. Бұл процесс , жарықтық және жылулық әсерлермен қосарланады.

Артиллериялық зеңбіректің негізгі ұрыстық сипаттары:

• снарядтың қуаттылығы,

• атыстың дәлдігі,

• ату қашықтығы,

• ату жылдамдығы,

• атыс маневрлілігі,

• жорық және ұрыс алаңындағы жылжымалылығы,

• қолданудағы сенімділігі мен ыңғайлылығы,

• кез келген жағдайларда тоқтаусыз жұмыс істеуі.

• Кемелік зеңбірек
• Италияның Минаатқышы
• 1916 жылғы зеңбірек
• АҚШ-ның зеңбірегі
• Немістердің зеңбірегі

Іс-әрекет жеріне және жойылатын нысана сипаттарына байланысты Артиллериялық зеңбірек жер үсті, зениттік, авиациялық, танктік, кемелік және жағалаулық болып бөлінеді. Сонымен катар жалпы және арнайы жағдайларға арналған Артиллериялық зеңбірек болып бөлінеді.

Ұңғы құрылысына байланысты Артиллериялық зеңбірек ойықты және тегіс ұңғылы болып келеді. Жылжымалылық (маневрлілік) дәрежесі бойынша Артиллериялық зеңбірек тұракты, жылжымалы негізде тұрақты (танктерде, ұшақтарда, кемелерде), сүйремелі, өзі жылжитын, өзі жүретін (шынжыр табанды немесе дөңгелекті шассиде), тасымалды, темір жолдық болып белінеді.

Сілтемелер

• Артиллерийское вооружение. Основы устройства и конструирование(қолжетпейтін сілтеме), Машиностроение, 1975, 420 c.
• История материальной части артиллерии (1904)

Тағы қараңыз

Артиллерия

Дереккөздер

1. Қазақ тілі терминдерінің салалық ғылыми түсіндірме сөздігі: Әскери іс. Алматы:"Мектеп" ААҚ , 2001