Анаға апарар жол

Анаға апарар жол – Ақан Сатаевтің көркем драмалық фильмі. Фильмнің тұсауы Қазақстанда 2016 жылы 29 қыркүйекте кесілді. «Анаға апарар жол» картинасы өмірде түрлі қиындықты басынан өткізген адам жайында.

Анаға апарар жол
Жанры	драма шытырман тарихи
Режиссёрі	Ақан Сатаев
Продюсері	Әлия Меңдіғожина Әлия Назарбаева Светлана Коротенко Анна Шәкірт
Сценарийдің авторы	Тимур Жақсылықов
Басты рөлдерде	Берік Айтжанов Болат Әбділманов Азамат Сатыбалды Еркебұлан Дайыров Аружан Жазылбекова Алтынай Нөгербек Әділ Ахметов Ерлан Кәрібаев Әділ Болатаев Мерей Мақажан
Операторы	Қасан Қыдырәлиев
Ұзақтығы	130 мин
Мемлекет	Қазақстан
Тілі	қазақ тілі,орыс тілі
Шыққан жылы	2016

Фильм түсірілімі Қазақстанда, Әзірбайжанда (Баку, Лагич), Белоруссияда (Минск, Брест) болды және 2016 жылдың шілдесінде аяқталды. 3 сағатқа жалғасқан тарихи фильм 1930 жылдардағы қазақ халқының басына түскен нәубетті суреттейді. «Анаға апарар жол» картинасының негізгі сюжеті ана махаббатының қуатты күшінен бастау алады. Осынау құдіретті күштің арқасында кейіпкер үйіне барар жолда кездескен ауыр қинышылықтарды жеңіп шығады. Оқиғаның негізгі желісі қазақ халықының басына түскен ауыр кезеңмен тұспа-тұс келген: ұжымдастыру, жұт, соғыс және соғыстан кейінгі жылдар. Картинаның басты кейіпкері Ілияс ерекше рухты, ерлік пен отансүйгіштік және керемет қайсар мінез көрсетеді. Тағдырдың ауыр соққыларымен бетпе-бет келеді: балалар үйі, сұрапыл соғыс, тұтқынға түсу, жазасын өтеушілер лагеріне тап болады. Осынау ауыртпалықтарды еңсеруге оған анамен жүздесу мақсаты күш береді. Фильм өмірлік құндылықтардың мәні мен тіршіліктегі құбылыстарға өзгеше көзқараспен қарауға жол сілтейді.

Сюжеті

Ақан Сатаев фильм сюжетінің негізі ретінде бірнеше күрделі тарихи кезеңдерді қолдана отырып, Қазақстан халқының бұрынғы өмір сүруің көрермендерге баяндайды. Бұл дәуір ұжымдастыруды, халыққа қайғы әкелген жұтты, Ұлы Отан соғысты мен соғыстан кейінгі Қазақстанның қиын кезеңдерін сипаттайды. Жалпы бұл фильм баланың анаға махаббатын және ананың балаға махаббатын көрсетеді. Ананың күшті махаббаты, бас кейіпкерге аман қалу, ауыр сынақтарды жеңе алу және аман есен үйге келу көмектесті. Фильмның басты кейіпкері Ілияс орыстардың арасында жүріп Илюха болып кетеді. Бірақ, осыншама азаптан, қиындықтан өтсе де ол анасына апарар жолдан көз жазып қалмайды. Сол жылдар ішінде ол үйіне, анасына оралып, ұлын көрем деген үмітін жоғалтпайды. Ілияс, керемет батырлықты, батылдықты, адалдықты және патриотизмді көрсетеді. Ол көптеген қиыншылықтармен кездеседі. Фильмның аяғында ол анаға оралады. Фильм өмір құндылықтарды құрметтеуге және өмірге көз қарасын өзгертуге көмектеседі.

Басты рөлдерде

Актер	Рөлі
Әділ Ералыұлы	Ілияс
Алтынай Бауыржанқызы	Ілиястың анасы
Аружан Жазылбек	Үміт
Берік Бөшенұлы	Лұқпан, Ілиястың көкесі
Еркебұлан Мұратұлы	Мұқан, Ілиястың әкесі
Андрей Андрейұлы Душечкин	Давид Шломұлы, Одессадағы балалар үйінің директоры
Вячеслав Павлұлы Павлют	Әкім (аты)
Азамат Сатыбалды	Хамит

Түсірілім алаңында

Фильм күрделі климаттық жағдайларда түсірілді. Сюжеті бір неше тарих кезеңдерді қамтитын бұл фильм, төрт ай бойы түсірілді. Кинофильмге бас аяғы 2000 адам қатысып, 300 әскери техника тартылған. Драманың кейбір картиналары Беларуссия, Ресей, Әзірбайжан елдерінде түсірілген. Соғыс сахналары Минскіде түсірілген. Олар Днепр үшін болған соғысты көрсетті. Минскде 1942-1943 жылдары жасалған, соғыста атылған қарулар сақталған екен. Бұл сахна ең қиын болған. Оны түсіру тобы он күн түсірген, бұл оларға үлкен тәжірибе болды. Соғыс сахнасы өте қымбатқа түскен, оған үлкен баға берді. Басты кейіпкердің рөлін 4 адам ойнаған. Туған кезіне бір нәресте түсті. Одан соң бала кезі мен жасөспірім кезін екі жас актер ойнады. Әділ 18 жасынан 45 жасына дейінгі аралықты көрсетті.

Дереккөздер

1. Kinostan.kz сайтында Мұрағатталған 17 қазанның 2016 жылы.