Алматы ботаникалық бағы

Алматы ботаникалық бағы — Ботаника және институтының құрамындағы ғылыми-зерттеу мекемесі. 1932 жылы Алматы қаласында құрылған. 1967 жылға дейін КСРО Қазақ филиалының республикалық ботаника бағы деп аталды. 1967 — 1994 жылдары өз алдына дербес ғылыми-зерттеу мекемесі құқында болды, 1995 жылдан Ботаника және фитоинтродукция инстиутының құрамына енді. Жерінің аумағы 104 га. Іле Алатауының бөктерінде, теңіз деңгейінен 850 — 940 м биіктікте, Есентай және Үлкен Алматы өзендерінің аралығында орналасқан. Негізгі ғылыми бағыттары: жергілікті және басқа жақтан әкелінген өсімдіктердің қасиеттерін жан-жақты зерттеу, оларды өсірудің, тиімді пайдаланудың жолын көрсету; өсімдіктерді жерсіндірудің теориялық негіздері мен практикалық тәсілдерін жасау; дүние жүзі флорасына жататын өсімдіктердің биологиялық-экологиялық ерекшеліктерін зерттеу. Бас ботаникалық бақта жергілікті және басқа жерлерден әкелінген өсімдіктердің 5,5 мыңдай түрлері мен сорттары (оның 100-ге жуық түрі Қазақстанның “Қызыл кітабына” енген) бар. Олар ботаникалық-географиялық, жүйелілік, ландшафтылық тұрғысынан, сондай-ақ, пайдалы қасиеттері негізінде топтастырылған. Бақтағы аса бағалы, сирек кездесетін және жойылып бара жатқан өсімдіктердің жиынтығы еліміздің ұлттық байлығы болып саналады. Бас ботаникалық бақта раушанның 16, бөртегүлдің 3, сарымсақтың жаңа сорттары шығарылды. Eлді мекендерді көгалдандыру үшін ағаш пен өсімдіктердің 750-ден аса түрі ұсынылды. Бас ботаникалық бақты ұйымдастыру, ондағы ғылыми-зерттеу жұмыстарын жүргізу , , , , , , т.б. ғалымдардың есімімен тығыз байланысты. Бас ботаникалық бақта сирек кездесетін, жойылып бара жатқан өсімдік түрлерінің популяциялық және экол.-биол. ерекшеліктері зерттелді (Б.А. ). Жерсіндірілген өсімдіктердің өсіп-өнуіндегі заңдылықтар анықталып, олардың газға төзімділігін зерттеуге мүмкіндік беретін әдістер (, К.Н. ); тропикалық аудандардан әкелінген алуан түрлі өсімдіктерді пайдалану тәсілдері (С. ), жеуге жарамды саңырауқұлақтарды қолдан өсіру әдістері (С. ) ұсынылды. Мұнда Қазақстанның ботаникалық бақтары кеңесі жұмыс істейді. Бас ботаникалық бақ 48 мемлекеттің 350 ботаника бағымен әріптестік байланыс жасайды. Ғылыми еңбектер жинағын, монографиялар шығарып тұрады.

Алматы ботаникалық бағы
Жалпы мағлұмат
Құрылған уақыты	1932 жыл
Статусы	Қазақстан ерекше қорғалатын табиғи аумақтары
Орналасуы
43°13′12″ с. е. 76°54′54″ ш. б. / 43.22000° с. е. 76.91500° ш. б. / 43.22000; 76.91500 ^(G) ^(O) ^(Я)Координаттар: 43°13′12″ с. е. 76°54′54″ ш. б. / 43.22000° с. е. 76.91500° ш. б. / 43.22000; 76.91500 ^(G) ^(O) ^(Я)^(T)
Ел	Қазақстан
Қала	Алматы
Қала ауданы	Бостандық ауданы
Алматы ботаникалық бағы
Алматы ботаникалық бағы Ортаққорда

Тарихы

Қазақстанда бірінші рет ертедегі Отырар-Түркістан жерінде ауданы 100 гектарлық Ботаникалық бақ салынды. Оның жобасын академик И.О.Батулин жасады, ол 1993 жылы Қазақстанның Ұлттық Ғылым академиясының Ботаникалық ғылыми-зерттеу институтында қаралып, бекітілді. Бүгінгі таңда ботаникалық бақта декоративті жеміс-жидек өсімдіктері мен гүлдердің 127 түрі мен сорттары өсіп тұр. Мұндай ботаникалық бақ Қазақстанда тек осы университетте ғана бар.

Галерея

• "The broken shell" - параметрикалық нысан.
• "Өрмекшінің торы" композициясы.
• Жылыжай (сырт жағы).
• Жылыжай (алдыңғы жағы).

Сілтеме

• http://www.bostandyk.almaty.kz/page.php?page_id=781&lang=2&news_id=1038(қолжетпейтін сілтеме)
• http://visitkazakhstan.kz/kk/guide/places/view/341/ Мұрағатталған 9 наурыздың 2016 жылы.