Ала доптың аламаны (кітап)

Ала доптың аламаны — қазақ журналисі, жазушысы Сәкен Сыбанбайдың футбол жайлы кітабы. 2015 жылы «Арна» баспа­сынан Қазақстан Республикасы Мәдениет және спорт министрлігінің «Әдебиеттің әлеуметтік маңызды түрлерін басып шығару» бағдарламасы бойынша жарық көрді.

Кітаптың мұқабасы

Сипаттамасы

Футбол саласында талай жылдан бері еңбектеніп, футбол тарихын зерттеп жүрген Сәкен Сыбанбайдың айтуынша, кітапта оның 30 жыл бойы жинаған еңбектері түгел қамтылған.

Кітапта 1930-2014 жылдар аралығында өткен Футболдан әлем чемпионаттарының статистикаларын, матч нәтижелерін, іріктеу турнирлері жайлы есеп-қисаптарын, қала берді әр чемпионаттың қызықты оқиғаларын, тарихын, футбол жұлдыздары жайлы анықтамаларды түгел таба аласыз.

Финалдық турнирлердің бүкіл ойындары ресми хаттамаларымен ұсынылған. Сондай-ақ  әр чемпионаттың үздік футболшылары, жеңімпаздар, бапкерлер мен құрама командалар туралы да салмақты әңгіме өрбиді.

Қазақ тіліндегі тұңғыш футбол энциклопедиясы деуге тұрарлық еңбек спортсүйер қауымға, футбол жанкүйерлеріне арналған.

“

«Ала доптың аламаны» өзінің құрылы­мымен оқырманға өте қызықты. Автор ең әуелі футболдан әлем чемпионатын өткізу идеясының қалай өмірге келгенін, осы бастаманы кімдер көтергенін «Ойдан тойға дейін» деп аталатын алғашқы бөлімде кеңінен талдап өтеді. Төрт жылда бір ке­летін футбол тойын өткізуді о баста Робер Герен ойластырғанын, алайда бұл істің тек 1918 жылы Ж.Риме ФИФА президенті болып сайланған соң ғана қайта алға жылжығанын, оған вице-президент А.Делоненің ерекше қолдау көрсеткенін кеңінен баяндайды. Он жылдан астам уақыт алғашқы әлем чемпионатын ұйым­дасты­руға ғана емес, кейбір елдерді үгіттеуге кеткеніне қазір тіпті сену де қиын. Есей Жеңісұлы

”

Cілтемелер

• Әлемдік мундиаль тарихы(қолжетпейтін сілтеме)
• Журналист Сәкен Сыбанбайдың "Ала доптың аламаны" кітабы жарыққа шықты