Айдарлы сүңгуір

Айдарлы сүңгуір (Aythya fuligula) - ерекше реңді, орташа денелі (0,55-1,4 кг) сүңгуір үйрек.

Айдарлы сүңгуір
Male/Female
(IUCN3.1)
Дүниесі: Жануарлар Жамағаты: Хордалылар Табы: Құстар Сабы: Қазтәрізділер Тұқымдасы: Үйрек Кіші тұқымдасы: Сүңгуір үйректер Тегі: Сүңгуір үйректер Түрі: A. fuligula
Aythya fuligula (Linnaeus, )

Aythya fuligula

Аталығының қар реңді жабын қауырсынының аясында аң тусті қапталы мен бауыры қарама-қарсы түспен ерекше бөлініп көзге түседі, басында ұзын айдары болады. Аналығының айдары онша үлкен емес, ал ақ түсті қаптал мен бауыры - қызғылтсары қоңыр, қанатындағы «көзтартарлары» бүкіл қанатты жабады - ұзын және ақ түсті болып келеді.Ұялары суға жақын орналастырылады. Салындыдағы 6-13 күңгірт зәйтүн түстес жұмыртқаларды аналық жалғыз өзі 3,5 аптаға жуық басады. Аталықтар бұл кезде тізбектелген ұзын топтар түзеді. Айдарлы сүңгуірлер жануартекті азықтармен қоректенеді. Олардың тәуліктік азығы негізінен ұлулар, хирономид және инелік дернәсілдерінен, сондай-ақ су бунақденелілерінен, балық шабақтарынан құралады.

Ұялау орындарында наурызға қарай пайда болады, ал қыркүйекте ұшып кете бастайды. Бүкіл қазан бойы ұшуда болады, дарақтардың бір бөлігі Оңтүстік Қазақстанның суы қатпайтын су қоймаларында қыстап қалады.

Дереккөздер

1. Aythya fuligula. Version 2013.2. (2012). Тексерілді, 26 қараша 2013.
2. Мектеп энциклопедиясы. Алматы: Атамұра, 2010.