Ірің руоп адам денесіндегі қабынған жерлерде пайда болатын сары күрең немесе жасылдау түсті қою сұйықтық І тудырушы микр

Ірің (руоп) – адам денесіндегі қабынған жерлерде пайда болатын сары күрең немесе жасылдау түсті қою сұйықтық. І. тудырушы микробтар қатарына негізінен , , т.б. жатады. Олар дененің кез келген жерлерінде пайда болып, алғашқыда қабыну тудырады, одан соң сол жерге І. жиналады. І-нің құрамында лейкоциттер көп. Олар қабыну ошағына жиналып, сол жердегі микроорганизмдерді залалсыздандырып, бірте-бірте оларды жояды. Содан кейін өздері де ыдырауға түседі. Ыдырауға түскен лейкоциттерден тіндердің қалыпты құрылысын бұзатын заттар бөлініп шығады. Бұл заттар, өз кезегінде, тін клеткаларын өліеттендіреді, соның нәтижесінде организмнің улануы басталады. Мұндай кезде науқас адамның дене қызуы көтеріліп, әлсірейді. І. біртіндеп қабыну ошағы пайда болған жерден тыс аймақтарға жайылуы мүмкін (қ. Флегмона) немесе сол қабыну ошағында жиналған І. жан-жағынан пиогенді қабықпен шектеледі (қ. Бітеу жара). Кейбір жағдайларда тереңге кеткен І. қалыпты тіндерді ерітіп, оларды өліеттендіреді де, ішке немесе сыртқа қарай жол ашады. Мұндай жағдайда жыланкөздер дамиды. Егер жыланкөз іш қуысына ашылса, аса қауіпті асқыну іріңді перитонит пайда болады. Адам денесінде І. жиналған жағдайда оны емдеу үшін, дереу хирург. шаралар қолданылып, оны сыртқа шығарады да, сол жерге дренаж (түтік) қалдырып, дәрі-дәрмек жіберіледі. І-нен тазартылған қуыс әлсін-әлсін антисептик. сұйықтармен жуылып отырылуы қажет.

Конъюнктивит, іріңді экссудаттың бөлінуімен қабақтың ісінуі

Тағыда қараңыз

Дереккөздер

Қазақ Энциклопедиясы, 9 том

Бұл — мақаланың бастамасы.
Бұл мақаланы толықтырып, дамыту арқылы, Уикипедияға көмектесе аласыз.
Бұл ескертуді дәлдеп ауыстыру қажет.

[1] Қазақ Энциклопедиясы, 9 том